राजपा सरकारमा सहभागि हुने विषयमा छलफल भएको छ, सहमति भएको छैन : यादव

post-advert

फागुन २२, काठमाण्डौ । पछिल्लो समय राष्ट्रिय जनता पार्टीलाई पनि सरकारमा सहभागि गराउने प्रयास भएको बताइएको छ । प्रधानमन्त्री केपी ओलीले नै राजपालाई सरकारमा आउन आग्रह गरेका थिए ।

तर अहिलेसम्म ठोस छलफल र सहमति भएको पाइदैन । राजपाका नेता महेन्द्र राय यादवले प्रधानमन्त्री ओलीसँग कुराकानी भए पनि सहमति वा निष्कर्ष केही नभएको बताएका छन् ।

नेपाली रेडियो नेटवर्कको कार्यक्रम नेपाली बहसमा ऋषि धमलासँग कुरा गर्दै नेता यादवले सरकारले मधेशको मुद्दा वा संविधान संशोधनको विषयमा ठोस धारणा ल्याउन आफूहरुले सरकारलाई आग्रह गरेको बताए ।

तर सरकारले अहिलेसम्म केही धारणा नदिएको उनले बताए । सरकारका तर्फबाट सरकारमा सहभागि हुन आग्रह मात्रै गरिएको उनको भनाई छ ।

विगतमा पनि फोरम र राजपाले संविधान संशोधनको मुद्दा अघि सारेको स्मरण गराउँदै यादवले अहिले पनि विशेष छलफल नभएको बताए ।

उनले अहिलेको समयमा राजपाको मुख्य मुद्दा संविधान संशोधन नै भएको भन्दै सरकारमा सहभागि हुने कुरा प्राथमिकतामा नरहेको बताए ।

“हाम्रा मागका बारेमा ठोस धारणा आएपछि मात्रै सरकारमा सहभागि हुने विषयमा छलफल हुन्छ ।” यादवले भने ।

उपेन्द्र यादवलाई सरकारमा जानबाट रोक्नका लागि अस्त्र प्रयोग गर्न लागेको हो भन्ने धमलाको प्रश्नमा यादवले त्यसको खण्डन गर्दै भने, “हामीले कसैलाई रोक्नका लागि अस्त्र प्रयोग गरेका छैनौँ ।”

Comments

Loading...
Loading...

ताजा खबर

धेरैले पढेको

Loading...