रूसद्वारा सिरिया आक्रमणबारे अनुसन्धानमा अवरोध ग¥यो भन्नु निराधार आरोप : क्रेमलिन

मस्को, रूस, ४वैशाख : अन्तर्राष्ट्रिय रासायनिक हतियार अनुगमन अधिकारीहरूलाई सिरियामा केही दिन पहिले भएको भनिएको रासायनिक हतियार आक्रमणबारे छानविन गर्न गएको समूहलाई रूस र सिरियाले अवरोध गरेको भनी आएको खबरहरू आधारहीन भएको रूसी प्रशासनिक केन्द्र, क्रेमलिनले जनाएको छ ।

“हामीले रूसमाथि लागेका यस्ता आरोपमा कुनै सत्यता नभएको बताउन चाहन्छौँ,” रूसी राष्ट्रपति भ्लादिमिर पुटिनका प्रवक्ता दिमित्री पेस्कोभले बताउनुभयो । उहाँले भन्नुभयो, “मस्को सिरियामा रासायनिक आक्रमण भएको भनिएको घटनाको पूर्वाग्रहविना अनुसन्धानको पक्षमा रहेको छ ।”

यस पहिले नेदरल्याण्डका लागि बेलायती राजदूतावासले रूस र सिरियाले रासायनिक हतियार निवारण सम्बन्धि अन्तर्राष्ट्रिय संगठनले (ओपिसीडब्लु) खटाएका सदस्यलाई सिरियाको डुमा (घटनास्थल)मा प्रवेश गर्न अझसम्म अवरोध गरेको भनी जानकारी गराएपछि यस समाचारले विश्वको ध्यान आकर्षण गरेको थियो ।

गत अप्रिल ७ गते भएको भनिएको उक्त आक्रमणमा रूसबाट समर्थन प्राप्त सिरियाली राष्ट्रपति वसर अल–असदको प्रशासनले क्लोरिन र सारिन नामक विषाक्त ग्यास हमलामा ४० जना विद्रोही पक्षधर नागरिकको मृत्यु भएको थियो ।

ओपिसीडब्लु प्रमुख अहमेत उजुम्कुले शनिबार दमास्कस पुगेपछि अनुसन्धान समूहको सिरिया आगमनबारे स्थानीय प्रशासनलाई जानकारी गराउनुभएको थियो ।

अनुसन्धानमा हस्तक्षेप नगर्ने प्रतिवद्धता जनाएको र अमेरिकी नेतृत्वमा फ्रान्स र बेलायतले गत हप्ताको अन्त्यमा सिरियामा गरेको क्षेप्यास्त्र हमलाका बिषयमा आलोचना गर्दै अनुसन्धानका लागि आएको समूहको विश्वसनीयतालाई प्रभावित तुल्याउन क्षेप्यास्त्र आक्रमण गरिएको मस्कोले जनाएको छ ।

पेस्कोभले फ्रान्सेली राष्ट्रपति इमानुयल म्याक्रोँले दावी गरे अनुसार मस्को र अङ्काराबीचको सम्बन्धमा पनि समस्या देखिएको भन्ने भनाईप्रति पनि आलोचना गरेको छ । (रासस/एएफपी)


Loading...
Loading...

धेरैले पढेको

Loading...