माओवादी 'यही' सरकारमा जानु राम्रो : येंचुरी भारतीय कम्युनिस्ट पार्टी मार्क्सवादका पोलिटब्युरो सदस्य सीताराम येंचुरी नेपालको लोकतान्त्रिक आन्दोलनका सहयोगी हुनुहुन्छ। बारम्बार नेपाल आइरहने उहाँको नेपालका नेताहरूसँग प्रगाढ सम्बन्ध छ। येंचुरी भारतमा प्रस्ट वक्ताका रूपमा परिचित हुनुहुन्छ। केही समयपछि नेपाल आउने तयारीमा रहनुभएका येंचुरीसँग नयाँदिल्लीमा ऋषि धमलाले गर्नुभएको कुराकानी

A.

माधवकुमार नेपालजीको शान्तिप्रक्रियामा महत्वपूर्ण भूमिका छ। उहाँको नेतृत्वमा बनेको सरकारले शान्तिप्रक्रियालाई तार्किक निष्कर्षमा पुर्यााउनेमा हामी विश्वस्त छौँ। म माधवकुमार नेपालको सरकारको सफलताको कामना गर्छु। व्यक्तिगत रूपमा उहाँ मेरो परम् मित्र हुनुहुन्छ। उहाँको लामो राजनीतिक अनुभव शान्तिप्रक्रियामा महत्वपूर्ण सावित हुनसक्छ।

A.

नेपाली जनताको चाहनाबमोजिम बन्ने सरकारलाई भारतको सधंै सहयोग रहन्छ। माधवजीको नेतृत्वको सरकार नेपाली जनताको चाहनाअनुसार निर्वाचित हो भन्ने हाम्रो बुझाइ छ। सरकारले सबैलाई मिलाएर लान सकोस् भन्ने शुभेच्छा छ।

A.

त्यो उहाँहरूको अधिकारको विषय हो। हामी सबै मिलेर जाने सुझाब दिन्छौँ। शान्तिप्रक्रिया अझै तार्किक निष्कर्षमा पुगेको छैन। त्यसैले सहमतिको आवश्यकता छ। आन्दोलन नहुने वातावरण बनाउन हामी सबै दललाई आग्रह गर्छौं।

A.

दिगो शान्ति स्थापनाका लागि सहमतिको विकल्प छैन। सबै दलले सहमतिको बिन्दु तय गर्नुपर्छ। विगतमा पनि स–साना तिक्तता थिए। तर, नेपालका दल, नेता र जनताको सुझबुझले सबै किसिमका तिक्तता अन्त भएको थियो। शान्तिप्रक्रिया र विकासमा एउटा दलले मात्र केही गर्न सक्दैन। सबै मिलेर जाँदा अति उत्तम हुन्छ।

A.

 नेपालका दलहरूबीच एकता हुन्छ। विगतमा पनि एक भएर आन्दोलन सफल गरेका थिए। हामीलाई आशा छ कि छिट्टै सहमति बन्छ। नेपाली काङ्ग्रेसका सभापति गिरिजाप्रसाद कोइरालाको नेतृत्वमा उच्चस्तरीय राजनीतिक संयन्त्र निर्माण हुन लागेको सुनेको छु। त्यसले सहमतिको बिन्दु पहिल्याउनेमा हामी विश्वस्त छौँ।

A.

राष्ट्रिय सहमतिको सरकार बनाउनु राम्रो हो। त्यसको टुङ्गो नेपाली जनताले लगाउने हो। हामी सबै दल मिलेर जाऊन् भन्ने चाहन्छौँ। माओवादी पनि माधवकुमार नेपालको नेतृत्वको सरकारमा जाँदा राम्रो हुन्छ। राष्ट्रिय सहमतिको सरकार अहिलेको सरकारलाई बनाउँदा उपयुक्त हुनसक्छ।

A.

भारत सधैं नेपालको हित चाहन्छ। शान्तिप्रक्रियामा नेपालले मागेको सहयोग गर्न तयार छ। नेपालमा शान्ति स्थापना भएमा भारतमा पनि त्यसको सकारात्मक प्रभाव पर्छ।

A.

म छिट्टै नेपाल जान्छु। प्रधानमन्त्री माधवकुमार नेपालको भारत भ्रमणपछि म नेपाल जान्छु। गिरिजाप्रसाद कोइराला, प्रचण्डलगायतका नेताहरूसँग कुराकानी गर्छु।