मधेशी जनाधिकार फोरम नेपाल लोकतान्त्रिकका केन्द्रीय अध्यक्ष विजयकुमार गच्छेदार माधव कुमार नेपालको नेतृत्वमा बनेको गठबन्धन सरकारको सुत्रधार मानिनुहुन्छ । उपप्रधानमन्त्री एवं भौतिक योजना तथा निर्माण मन्त्री गच्छेदार नेपाली राजनीतिका कुशल खेलाडी समेत हुनुहुन्छ । इमान्दार कर्मठ र क्षमतावान नेता गच्छेदार लोकतान्त्रिक गठबन्धनका पक्षधर मानिनुहुन्छ । उपराष्ट्रपति प्रकरणमा महत्वपूर्ण भूमिका निर्वाह गर्नुभएका गच्छेदारसंग रिपोर्टस्र नेपाल डट कमका लागि ऋषि धमलाले गर्नुभएको कुराकानीको महत्वपूर्ण अंश ।

A.

उपराष्ट्रपति परमानन्द झाको प्रकरणको समाधानका उपायको बारेमा हामीले धेरै गम्भिर छलफल गर्यौ । त्यसका लागि मधेशवादी दलहरु खसगरी हामी सत्तामा रहेका तिन प्रमुख दलहरुले संविधान संशोधन गरी मातृभाषामा सपथ ग्रहण गर्न पाउनुपर्ने प्रावधान राख्नका लागि हामी एकढिक्का भएका छौं । सरकारले पनि त्यहि अनुसार संविधान संशोधनको सातौं संशोधन विधेयक संसदमा दर्ता गराईसकेको छ । संसद सुचारु भएर संविधान संशोधन हुने वित्तिकै समस्याको समाधान हुन्छ । यसलाई हामी दलहरुको सहमतीमा नै टुंग्याउनुपर्छ भन्ने पक्षमा छौं ।

A.

यो मुद्यालाई द्धन्द्ध सिर्जना गर्नेतिर नभई समाधान गर्नेतिर जानुपर्छ । त्यसैले हामी मधेशवादी दलहरु संविधान संशोधन गरी समस्याको समाधान खोज्नेतिर लागेका छौं । अहिले उहांको भूमिकाको बारेमा म कुरा गरेर यसलाई  आगोमा घिउ थप्नेतिर होइन भाषा विवादको कुरालाई दिर्घकालिन समाधानको पक्षमा छु । अब छिट्टै यसको समाधन हुन्छ ।

A.

अहिले म कसले कसरी कहां गल्ती गर् यो भन्नेतिर जान चाहन्न । संविधान संशोधन भएपछि समस्याको समाधान हुन्छ । हाम्रो प्रष्ट अडान दृष्टिकोण छ उपराष्ट्रपतिको निर्णयमा हामी विवादीत हुन चाहंदैनौं । यो मुद्यालाई चर्काउनु हुंदैन यो कसैको हितमा छैन ।

A.

हामीले प्रमुख दलका शिर्ष नेताहरुलाई भेटेर संविधान संशोधन गर्न सहमत गराईसकेका छौं । एकिकृत माओवादीका अध्यक्ष प्रचण्डलाई पनि प्रष्ट रुपमा भनेका छौं संसद सुचारु गर्न सहयोग गरीदिनुहोस यसले मात्र मुलुकको हित हुन्छ शान्ति प्रकृया टुंगोमा पुग्छ नयां संविधान बन्छ र उपराष्ट्रपतिको विवाद पनि अन्त्य हुन्छ । र माओवादीले संसदलाई खोलिदिनुपर्छ र मुलुकलाई निकास दिनुपर्छ । मुलुकलाई अन्यौल र अस्थिरता तिर धकेल्नु हुंदैन जिम्मेवार प्रतिपक्षको भूमिकामा रहनुपर्छ  उपराष्ट्रपतिको सम्बन्धमा केहि समयको लागि भएपनि माओवादीले संसद खोल्नैपर्छ ।  

A.

मलाई विश्वास छ माओवादी संसद खोल्न तयार हनेछन् । त्यसको विकल्प नै छैन । संसद सुचारु नगर्दा सबभन्दा बढि घाटा कसलाई हुन्छ त्यसलाई माओवादीले बुझ्नुपर्छ । संसदलाई अबरुद्ध गरेर आफ्नो अभिष्ट पूरा गर्न माओवादी लाग्नुहुंदैन ।

A.

ए.माओवादी मात्र होइन संसद खोल्न नेपाली कांग्रेस एमाले लगायतका सबै दल तयार छन् ।  संसद खुल्ने वित्तिकै संविधान संशोधन हुन्छ । र आफ्नो मातृभाषामा सपथ खान पाउने प्रावधान संविधानमा उल्लेख हुन्छ ।

A.

  यो समिकरण कुनैपनि हालतमा टुट्दैन । यो प्रकरणले झन समिकरणलाई बलियो र सशक्त बनाउंछ । हामी यो गठबन्धनमा सहभागि दलहरु सुझबुझपूर्ण र बुद्धिमत्ता पूर्ण निर्णयका साथ अगाढि  बढ्छौं संविधान संशोधन गराएर समस्या समाधान गराई छाढ्छौं । त्यसैले यो सरकार कुनै हालतमा ढल्दैन ।

A.

यो असम्भव कुरा हो । माओवादीले यो सरकारलाई ढाल्न सक्दैन । म माओवादीलाई यो सरकारमा ल्याउनका लागि उपप्रधानमन्त्रीको पद समेत त्याग्न तयार छु । यहि सरकारले संविधान लेख्छ शान्ति प्रकृयालाई निष्कर्षमा पर्याउंछ  चनाव गराउंछ र नयां सरकारलाई सत्ता हस्तान्तरण गर्छ ।

A.

एकदम माओवादी यो सकारमा आउनुपर्छ । त्यसको विकल्प छैन । यो सरकारलाई बलियो बनाएर राजनीतिक स्थायित्व दिनुपर्छ । सरकार ढाल्ने र बनाउने फोहोरी खेलमा हामी लाग्नुहुंदैन ।