REPORTERSNEPAL :: News of Nepal, News from Nepal

Face to Face

Rishi Dhamala with Jhalnath Khanal

नेकपा एमालेका अध्यक्ष झलनाथ खनाल अत्यान्त सफल र प्रभाव शाली व्यक्ति हुनुहुन्छ । उहाले देश र जनताको लागि गर्नुपर्ने कुनै कसुर बँकी राख्नु भएको छैन । देशको समसायीक विषयमा युवा पत्रकार ऋषि धमलाले गर्नु भएको संक्षिप्त कुराकानी -

ज् राजनीतिक गतिरोधको अन्त्य कसरी हुन सक्छ ?

प्रमुख दलका शीर्ष नेता बसेर अहिलेको राजनीतिक गतिरोधको अन्त्य गर्नैैपर्छ । हामी सबै छलफलमा जुटेका छौं । सहमतिको नजिक पुगेका छौं । सहमति र समझदारी छिटै हुँदैछ ।

ज् कसरी हुन्छ त सहमति र समझदारी ?

राष्ट्रपतिले चाल्नुभएको कदमलाई लिएर माओवादीले जुन मुद्दा उठाइरहेको छ- त्यसलाई सम्बोधन गर्न दलहरु सहमतिको विन्दुमा पुगेका छन् र सबैले आ-आफ्नो ठाउँबाट आत्मसमीक्षा गरेर मुलुकलाई सहमतिमा अघि बढाउनका लागि केही मात्रामा लचिलो हुनैपर्छ ।

सहमति भएन भने नि ?

सहमति हुन्छ । मैले काँंग्रेस सभापति सभापति गिरिजाप्रसाद कोइरालासँग पनि कुराकानी गरेको छु । उहाँ पनि सहमतिको पक्षमा अडिग हुनुहुन्छ । प्रचण्डजीसँग पनि कुराकानी भइरहेको छ । प्रधानमन्त्री माधव नेपालसँग पनि मैले हिजो कुरा गरें । सबैजना सहमतिका साथ जान पर्छ र गतिरोध अन्त्य गरेर संविधान लेख्ने र शान्ति प्रकि्रयालाई निष्कर्षमा पुर् याउने कुरालाई नै मुख्य आफ्नो लक्ष्य ठानेर अघि बढ्नुपर्छ भन्नॆ पक्षमा हुनुहुन्छ । त्यसैले सहमति नहुने त प्रश्नै उठ्दैन ।

राष्ट्रपतिको कदमबारे छलफल गर्न त काँग्रेस र एमाले तयार छैनन्- कसरी सहमति हुन्छ ?

राष्ट्रपतिले जुन कदम चाल्नुभयो- त्यो त्यतिखेरको बाध्यता थियो । १८ दलको आग्रहलाई उहाँले स्वीकार गरेर त्यो कदम चाल्नुभएको हो । अहिले माओवादीले जसरी नागरिक सर्वोच्चताको कुरा उठाइरहेको छ । त्यसमा सबै पार्टी सहमत छैनन् । हामी नागरिक सर्वोच्चताको पक्षमा छौं । तर माओवादीले भनेजस्तो नागरिक सर्वोच्चता हामीलाई स्वीकार्य हुँदैन । तर दलहरुबीच छलफलपछि जुन सहमतिको खाका तयार भएको छ- त्यसलाई परिमार्जित र परिष्कृत गरेर केही कुरा संशोधन गरेर जान सकिन्छ ।

भनेपछि राष्ट्रपतिको कदमबारे छलफल गर्न तपाईंहरु तयार हुनुहुन्छ ?

हामी राष्ट्रपतिको कदमबारे पनि दलहरुबीच सहमति हुन्छ भने छलफल गर्न केही फरक पर्दैन भन्ने पक्षमा छौं । प्रमुख दलहरु बसेर छलफल गरेर निकास निकाल्नका लागि तम्तयार हुनुपर्छ । जुन किसिमको अहिले सहमतिका लागि बातावरण अगाडि बढिरहेको छ- त्यसलाई अघि बढाउन हामी शीर्ष नेताहरु बसेर छलफल गरेर सहमति निकाल्छौं ।

माओवादीसँग सहमति हुन सक्छ ?

माओवादीसँग सहमति गर्नुपर्छ । सहमति नगरिकन सुखै छैन । मैले प्रधानमन्त्रीसँग कुरा गर्दा उहाँ पनि सहमतिका साथ जानुपर्छ र संसद्को गतिरोध अन्त्य गर्नका लागि यथाशीघ्र शीर्ष नेताहरु बसेर निकास दिनुपर्छ भन्ने पक्षमा हुनुहुन्छ । त्यसैले माओवादीहरुले पनि सहमतिका लागि वाधक बन्नुहँदैन । राष्ट्रपतिको कदमलाई ठूलो मुद्दा बनाएर जानुभन्दा पनि सहमतिको बाटोतिर लाग्नु राम्रो हुन्छ ।

भनेपछि राष्ट्रपतिलाई महाभियोग लगाउन पनि तयार हुनुहुन्छ ?

राष्ट्रपतिलाई महाअभियोग लगाउने कुरै छैन । महाभियोगको पक्षमा हाम्रो पार्टी छैन । हामीले माओवादीले जुन किसिमले नागरिक सर्वोच्चताको कुरा गरिरहेको छ त्यसलाई संसद्मा छलफलको विषय बनाउने हो भने महाअभियोगको प्रस्ताव ल्याए हुन्छ- हामीलाई आपत्ति छैन ।

संसद् कहिलेबाट खुल्छ त

अब छिटै संसद् खुल्नुपर्छ । यो गतिरोधलाई लम्ब्याउँदा कसैलाई पनि फाइदा छैन । तोकेकै समयमा संविधान बनाउने काममा हामी सबै अघि बढ्नुपर्छ । सेना समायोजन गरेर मुलुकको शान्ति प्रकि्रयालाई तार्किक निष्कर्षमा पुर् याउनुपर्छ

उच्चस्तरीय राजनीतिक संयन्त्रचािहं कहिलेसम्म बन्ला त ?

उच्चस्तरीय राजनीतिक संयन्त्र पनि छिटै बन्नुपर्छ । हाम्रो पार्टी काँग्रेस सभापति गिरिजाप्रसाद कोइरालाले अगाडि सार्नुभएको उच्चस्तरीय संयन्त्रको पक्षमा छ यसलाई पूर्ण समर्थन छ । यसले नै मुलुकमा दलहरुबीचमा सहमति कायम गरेर समयमा देशले फड्को मार्नुपर्छ ।

सरकारको विकल्पको खोजी पनि भएको छ रे नि

अहिले यो सरकारको बिकल्प हामीले खोजेका छैनौं । यो सरकारलाई पूर्ण सहयोग र समर्थन छ । यही सरकारको नेतृत्वमा नयाँ संविधान बन्नुपर्छ । शान्तिप्रकि्रया निष्कर्षमा पुग्नुपर्छ भन्ने पक्षमा हाम्रो पार्टी अडिग छ ।

भनेपछि तपाईंहरु माधवकुमार नेपाललाई हटाउन सकि्रय हुनुहुन्छ होइन ?

यस्तो कुरा तपाईंहरुलाई कसले भन्यो म माधवकुमार नेपाललाई बलियो र सफल प्रधानमन्त्री बनाउन लागिपरेको छु । त्यसैले उहाँलाई हटाउने कुरै आउँदैन र उहाँको नेतृत्वमा माओवादी पनि सरकारमा आउनुपर्छ । तर यो सरकारले राष्ट्रिय सहमतिका लागि आपुूले हदैसम्मको लचकताका साथ प्रस्तुत हुनुपर्छ

‹‹ Back