मेरो विरोध गरेर पार्टीलाई के फाइदा हुन्छ ? परराष्ट्र मन्त्री सुजाता कोइराला उपप्रधानमन्त्रीमा बढुवा भएकी छन् । कांग्रेस विदेश विभाग प्रमुख समेत रहेकी सुजाता २०४८ सालमा आमा सुषमा कोइरालाका नाममा ट्रस्ट खोलेर समाजसेवामार्पुत राजनीतिमा प्रवेश गरेकी थिइन् । छोटै अवधिमा नेपाली राजनीतिमा स्थापित बन्न सफल सुजातालाई नेपाली कांग्रेस पार्टीभित्र वैकल्पिक प्रधानमन्त्रीका रुपमा समेत हेर्न थालिएको छ । कांग्रेस सभापति गिरिजाप्रसाद कोइरालाकी एक मात्र सुपुत्री सुजाता उपप्रधानमन्त्री भएपछि पार्टीभित्र भने विरोधका स्वरहरु देखिएको छ । तर उनी त्यसलाई स्वाभाविक ठान्दै भन्छिन्- राजनीतिमा विरोध र समर्थन दुवै हुन्छ । म उपप्रधानमन्त्री बनेकोमा पार्टीका अधिकांश नेता र कार्यकर्ता खुसी छन् । सुजातासँग घटना र विचारका लागि ऋषि धमलाले गर्नुभएको कुराकानीको महत्वपूर्ण अंश :

A.

हेर्नोस् म उपप्रधानमन्त्री भएकोमा केही नेताहरुले विरोध गर्नुभएको थाहा पाएँ त्यसबाट म आश्चर्यचकित भएकी छु । प्रधानमन्त्री माधवकुमार नेपालले स्वविवेकीय मलाई उपप्रधानमन्त्री बनाउनुभएको हो । यसमा नेपाली कांग्रेसका सभापति गिरिजाप्रसाद कोइरालाको समर्थन छ र कांग्रेसका अधिकांश नेताकार्यकर्ता खुसी भएको पाएकी छु ।

A.

त्यो पनि गलत हो । यो सरकार निर्माणको सूत्रधार नै कांग्रेस हो । तर सरकारमा कांग्रेसको चौथो पोजिसन थियो । म उपप्रधानमन्त्री भएपछि पार्टीको पोजिसन हैसियत र भूमिका बढेको छ । मलाई उपप्रधानमन्त्री बनाउनका लागि आपुनो अधिकारको प्रयोग गर्नुभएको हो । यसबारे पार्टीमा पनि छलफल भएको थियो । सरकारमा कांग्रेसको नेतृत्व गरिरहेको मान्छेलाई उपप्रधानमन्त्री दिनुपर्छ भन्ने आवाज पनि व्यापक रुपमा उठेको थियो ।

A.

कसले के भने म त्यसको पछि लाग्दिन । मलाई पार्टीको पूर्ण सहयोग र समर्थन छ । कसलाई के बनाउने भन्ने अधिकार पार्टी सभापतिमा छ । गिरिजाबाबु आफैंले सुशील कोइरालाजीलाई कार्यवाहक सभापति एवं रामचन्द्र पौडेललाई वरिष्ठ उपसभापति बनाउनुभएको हो । यसमा कसैले विरोध गरेको पनि थिएन । मलाई उपप्रधानमन्त्री बनाउँदा पार्टीलाई कुनै क्षति पुग्ने पनि होइन । यसले त बरु पार्टीको प्रतिष्ठा बढाएको छ । कांग्रेसका युवाहरुमा उत्साहको संचार भएको छ ।

A.

हेर्नोस् म जहिले पनि यो सरकारको स्थायित्वको पक्षमा छु । यो गठनबन्धन निर्माणमा पनि आपुनो ठाउँबाट सहयोग गरेकी छु । शान्ति प्रकि्रया र संविधान निर्माण निष्कर्षमा नपुगेसम्म यो सरकार चल्छ । सरकारको स्थायित्वले यो मुलुकको भविष्य निर्धारण गछर््र । यो सरकारलाई अझ बलियो र प्रभावकारी बनाउन म सबै दलहरुलाई आग्रह गर्छु । सरकारमा नभएका दलहरु पनि सरकारमा सहभागी हुन आह्वान गर्न चाहन्छु । सबै दलहरु सहमति सहकार्य र एकताका साथ अघि बढ्नु आवश्यक छ ।

A.

यो सरकारको विकल्प छैन । माधवकुमार नेपाल नेतृत्वको सरकारको स्थायित्व आजको आवश्यकता हो । यसले मात्र मुलुकलाई राजनीतिक स्थायित्व दिन सक्छ । नयाँ संविधानमार्पुत नयाँ नेपाल निर्माण गर्ने महान् अभियान अघि बढाउन सक्छ ।

A.

माओवादी पनि यो सरकारमा आउनुपर्छ र राष्ट्रिय सहमति कायम गरी अघि बढ्नुपर्छ । गिरिजाबाबुको नेतृत्वमा बन्ने उच्चस्तरीय राजनीतिक संयन्त्रमा माओवादीसहित सबै राजनीतिक दलका शीर्ष नेताहरु बसेर मुलुकको राजनीतिक गतिरोध अन्त्य गर्नुपर्छ र मुलुकलाई नयाँ गति दिनुपर्छ ।

A.

तिहारपछि उच्चस्तरीय संयन्त्र बन्छ र यो समयको आवश्यकता हो । 

A.

कांग्रेसको महाधिवेशनमा पार्टी एकढिक्का भएर जुट्नुपर्छ । कार्यकर्ता जोस जाँगर साहस र हिम्मतका साथ अघि बढ्यो भने कांग्रेस महाधिवेशन पूर्ण सफल हुन्छ । सानातिना मतभेद र स्वार्थहरु बिसे्रर यो महाधिवेशनलाई एकताको महाधिवेशनका रुपमा सफल बनाउन आजैदेखि लाग्नुपर्छ ।

A.

केमा उठ्नेबारे मैले सोचेकी छैन । साथीहरुसँग सल्लाह र सहमति लिएर म महत्वपूर्ण पदमा उठ्नेछु ।