अब चुनाव हुन्छ, हुन्छ, हुन्छ - कृष्णप्रसाद सिटौला, गृहमन्त्री

A.

शतप्रतिशत रुपमा मंसिर ६ मा संविधासभाको चुनाव हुन्छ, हुन्छ, हुन्छ। चुनावलाई कसैले रोक्न सक्दैन संविधानसभाको चुनाव नेपाली जनताको राष्ट्रिय एजेन्डा हो। यसलाई चाडपर्वको रुपमा लिनुपर्छ।

A.

मधेसको समस्या समाधान हुन्छ चुनाव हुन्छ। चुनावलाई कुनै समस्याले पनि प्रभाव पार्दैन। राष्ट्र नै संविधानसभाको चुनावमा होमिएको छ। आठ दलको साझा प्रतिबद्धता छ, नेपाली जनताको चाहना छ, सरकारले गम्भीर जिम्मेवारी छ। तपाईंहरुले चुनाव भाडिन्छ भन्ने कुरै नगर्नुहोस्।

A.

मधेसको समस्या संवाद र सहमतिबाटै समाधान हुन्छ। सरकार वार्ताको लागि गम्भीर रुपमा जुटेको छ। वार्ताबाटै सरकार सबै समस्याको समाधान सक्रिय छ।  

A.

वार्ताबाटै सरकार समस्याको समाधान गर्न चाहन्छ। वार्ता सरकारको पहिलो प्राथमिकता हो।

A.

सबै समस्याको समाधान वार्ता नै हो, त्यसको लागि सरकारले कुनै कसर बाकी राख्दैन। हामी आन्दोलनरत सबै पक्षसग वार्ता गर्न गम्भीरतापूर्वक लागिपरेका छौं। सबै पक्षसग वार्ता हुन्छ, भोलिदेखि सरकारी वार्ता टोलीका संयोजक रामचन्द्र पौडेल र म तराईका केही जिल्लामा जादैछौं। त्यहा गएर हामी सबै पक्षसग अन्तर्त्रि्कया र कुराकानी गर्छौं। त्यहाको समस्या के छ कसरी समाधान गर्न सकिन्छ, त्यसमा हामी एउटा निचोट निकाल्छौं।

A.

संविधानसभाको निर्वाचन निष्पक्ष र भयरहित रुपमा सम्पन्न गराउनका सरकार कठिबद्ध छ। अहिले जुन किसिमले तराईमा आन्दोलन भइरहेको छ, त्यसलाई समाधान गर्न र जनतालाई संविधानसभाको निर्वाचनमा निधक्क भएर लाग्नको लागि आग्रह गर्नको लागि हामी तराईमा जादैछौं, त्यहा हाम्रो सबै पक्षसग कुराकानी हुन्छ।  

A.

म संवाद र सहमतिको पक्षधर हु । मैले त्यतिबेला पनि वार्ताकै लागि आग्रह गरेको हु। मेरो आसय संविधानसभाको चुनाव सम्पन्न गराउनलाई मधेसको समस्या छिटो समाधान हुनुपर्छ भन्ने हो, त्यसैले मैले वार्तामा छिटो बसौं र समाधान तुरुन्त खोजौं भनेको हु।

A.

मैले लोकतन्त्रको स्थायित्व, दीगो शान्ति र सम्मुनत नेपालको निर्माणको लागि कोहीसग पनि सम्झौता गरेको छैन। मुलुकमा दिगो शान्ति कायम गर्न र लोकतन्त्रलाई कसैले कहिल्यै पनि खोस्न नसक्ने स्थितिमा पुर्‍याउनलाई सम्माननीय प्रधानमन्त्री गिरिजाप्रसाद कोइरालाको निर्देशनलाई हरदम मानिरहेको छु र जीवनभर मानिरहनेछु। कसैले मेरो आलोचना गर्छ भने त्यसलाई म मुद्दा बनाएर हिंड्दै हिंड्दिन। लोकतन्त्रमा कसैले कसैको आलोचना गर्नु स्वाभाविक हो, म त्यसबाट विचलित पनि हुन्न। प्रधानमन्त्री कोइरालाको जुन दृढ संकल्प छ, संविधानसभाको मंसिर ६ मा सम्पन्न गराउने त्यसलाई सफल बनाउन म कुनै कसर बाकी राख्दिन।

A.

कांग्रेस एककिरण अन्तिम चरणमा पुगेको छ। प्रधानमन्त्री तथा पार्टी सभापति गिरिजाप्रसाद कोइराला र प्रजातान्त्रिक कांग्रेसका सभापति शेरबहादुर देउवाकाबीचमा बुधबार साझ महत्वपूर्ण कुराकानी भएको छ। दुवै कांग्रेसका शुभेच्छुक, समर्थक, सहयोगी र नेताकार्यकर्ताहरुको एउटै चाहना छ दुई कांग्रेस एक भएर संविधानसभाको निर्वाचनमा सहभागी भएको हेर्न चाहने। त्यो केही दिनभित्रै पूरा हुदैछ, सबै कुरा मिलिसकेको छ एकताको घोषणा हुनमात्र बाकी छ। नेपाली कांग्रेस र प्रजातान्त्रिक कांग्रेसको एकता समयको आवश्यकता हो।