REPORTERSNEPAL :: News of Nepal, News from Nepal

Face to Face

ऋषि धमला with विपना थापा

चर्चित नायिका विपना थापासित तिहारको तयारी, विवाह, सेक्स अनि राजनीतिक विषयमा गरिएको कुराकानी

विपनाजी हालखबर के छ ?

ठीकै छ, रुघाखोकीले अलि अस्वस्थ छु ।

तिहार कसरी मनाउँदै हुनुहुन्छ ?

एकदमै मज्जासित मनाउने विचारमा छु । दाजुभाइ, दिदीबहिनीसित बसेर तिहार मनाउँछौं । घरमा आमाले हालेको सेलरोटी खान्छौं । तिहार अति रमाइलो लाग्छ । यो मेरो सबैभन्दा प्रिय चाड हो ।

तास पनि खेल्नुहुन्छ होला नि ?

खेल्छु, किन नखेल्ने ? तासको मजा नै अर्को हुन्छ ।

कुन खेल मनपर्छ ?

मलाई मनपर्ने म्यारिज, किटी, जुटपत्ती र फरास हो ।

कौडा पनि हान्नुहुन्छ ?

परिवारमा बसेर हामी सबै खेल खेल्छौं । क्यासिनोमा गएर खेल्दैनौं । सबैजसो खेलेर मजा लिन्छौं ।

क्यासिनो साँच्चै जानुहुन्न त ?

क्यासिनोमा गएर जुवा खेलेको छैन ।

तिहारमा अरु के के गर्नुहुन्छ ?

लक्ष्मीको पूजा गर्छु, आफन्तसित भेट्छु । साथीभाइलाई बोलाउँछु ।

मंसिर लाग्दैछ, विवाहको तयारी के छ ?

जन्म, विवाह र मृत्युको बारेमा भविष्यवाणी गर्न गाह्रो छ । तर, विवाहको दबाब धेरै परेको छ ।

कहिले हुन्छ त विवाह ?

विवाह त म गरिहाल्छु । मितिचाहिँ अहिले नै नभनौं ।

केटा खोजिसक्नुभयो ?

अहिले म त्यो कुरा भन्दिन । मन पराउने धेरै छन् । प्रस्ताव धेरैले राखेका छन् । तर, निर्ण्र्ाागरिसकेको छैन ।

कस्तो केटा खोज्नुभयो त ?

एकदम ह्याण्डसम, मायालु अनि समझदार केटा र चलचित्र क्षेत्रलाई धेरै मन पराउने ।

त्यो केटा को हो त - नाम भन्नुस् न ?

नाम नभनौं । विवाहमा तपाईंलाई बोलाइहाल्छु नि । तर, म निष्कर्षा नपुगे पनि मैले एउटा केटा मन पराएको छु । उसको बानीबेहोरा राम्रो छ ।

विदेशी हो कि स्वदेशी ?

जहाँसुकैको होस् । जुनसुकै देशको भए पनि मलाई मनपर्छ भने जोसित पनि विवाह गर्न सकिन्छ ।

प्रेम विवाह कि मागी विवाह ?

फिप्टी, फिप्टी । प्रेम विवाह पनि हुन सक्छ, प्रेमपछि मागी विवाह पनि हुन सक्छ । तर, पारिवारिक सहमतिमा विवाह हुन्छ ।

सेक्सलाई कसरी हेर्नुहुन्छ ?

सेक्स एकदम आवश्यक छ । तर, सेक्सलाई त्यति ठूलो मुद्दा बनाउनु हुँदैन ।

सेक्स विवाहअघि कि विवाहपछि ?

समझदारी भयो भने, विवाहअघिको सेक्सलाई पनि म आपत्ति मान्दिन । तर, सेक्स मर्यादित हुनु आवश्यक छ ।

भनेपछि विवाहअघि नै सेक्सको अनुभव लिइसक्नुभएछ होइन ?

यस्तो कुरा नगर्नुस् । विवाहअघि को कोसित सेक्स भयो वा भएन भन्ने कुरा सबै तपाईंलाई बताउन चाहन्न । तपाईं त्यस्तो प्रश्न नसोध्नोस् ।

भन्नुस् न अहिलेसम्म कसैसित सेक्स भयो कि भएन ?

मेरो को सित सेक्स भयो भएन, यो कसैको सरोकारको विषय होइन । म सेक्सलाई हलुका रुपमा लिन चाहन्न । म समझदारीमा विश्वास गर्छ, अहिलेको समाजमा सेक्सलाई गलत रुपमा प्रचार गर्नुहुँदैन । समाजमा यौन शिक्षा आवश्यक छ ।

राजनीति कस्तो लागिरहेको छ ?

राजनीतिको बारेमा तपाईंलाई जति मलाई थाहा छैन । जुन रुपमा अघि बढ्नुपथ्र्यो, त्यति भएको छैन । जनआन्दोलनको मर्म र भावनाअनुसार काम भएको छैन ।

गणतन्त्र त आउने भयो होइन ?

म गणतन्त्रवादी हुँ । गणतन्त्रको विकल्प छैन । अव गणतन्त्रलाई कसैले छेक्न सक्दैन ।

तपाईंलाई मनपर्ने नेता को हो ?

गिरिजाप्रसाद कोइराला र प्रचण्ड मलाई मनपर्छ ।

‹‹ Back