राष्ट्रपति र प्रधानमन्त्री एउटै व्यक्तिले रहनुपर्छ प्रचण्ड नेपाली राजनीतिमा चमत्कारी व्यक्तित्वका रुपमा देखापर्नुभएका माओवादी अध्यक्ष प्रचण्डले केही दिनभित्र राष्ट्रप्रमुखसहित प्रधानमन्त्रीको जिम्मेवारी सम्हाल्दैहुनुहुन्छ । दश वर्षे जनयुद्ध र दुइ वर्षे शान्ति प्रक्रियामा सफल राजनीतिज्ञको रुपमा देखिनुभएका प्रचण्डको सरलता, बौद्धिकता, क्षमता दक्षता र कुशल राजनीतिज्ञमा हुनुपर्ने सबै गुणले गर्दा संविधानसभा निर्वाचनमा आफ्नो पार्टीलाई सबैभन्दा ठूलो शक्तिका रुपमा उभ्याउन सफल हुनुभयो । एकपटक कुनै व्यक्तिसंग कुरा गरेपछि त्यसलाई कन्भिन्स गर्न सक्ने अभूतपूर्व क्षमताले प्रचण्डलाई यो उचाईमा पुर्‍याएको हो । सादा जीवन र उच्च विचारका धनी प्रचण्डको भाषणमा रहनेगरेको तर्कशैलीले सबैलाई प्रभावित पार्ने गरेको छ । हिजो प्रधानमन्त्री निवास बालुवाटारमा भएको तीन दलको बैठकमा प्रधानमन्त्री गिरिजाप्रसाद कोइरालालाई सरकार गठन गर्न प्रचण्डलाई आव्हान गर्नुभएपछि उहां के गर्दैहुनुहुन्छ, कसरी सरकार बनाउनुहुन्छ, राजाको बर्हिगमन कसरी गर्दैहुनुहुन्छ । नेपालमा मात्र नभई विश्व कम्युनिष्ट आन्दोलनमा प्रभाव र्छन सक्नुभएका प्रचण्डले हिजो देशान्तरका लागि ऋषि धमलासंग विशेष कुराकानी गर्नुभयो । कुराकानीको मुख्य अंशहरु

A.

सहमती र सहकार्यकै आधारमा सरकार बनाइन्छ । अबको सरकार संयुक्त राष्ट्रिय सरकार बन्नेछ । शनिबारबाट नै छलफल शुरु गरिसकेका छौं । अनौपचारिक औपचारिक कुराकानीलाई गति दिएका छौं । आइतबार विहान आठ बजे पहिलो बैठक, गणतन्त्र कार्यान्वयन र सरकार बनाउने विषयमा संवेदनशील छलफल गर्नेछौं । सरकार बनाउने गृहकार्यलाई अन्तिम स्वरुप दिदैछौं ।

A.

गिरिजाबाबुले पहिलोपटक औपचारिक रुपले ठूलो दलका हैसियतले सरकार बनाउन तपाईं पहल गर्नुहोस् भन्नुभयो । उहांले सबैका अगाडि अन्यौल हट्ने गरी बोल्नुभयो । अब माओवादीको नेतृत्वमा सरकार बन्नेमा कुनै अन्यौल बांकी रहेन । त्यसअर्थमा सबै कुरा मिलेको छ । तर सहमतिका विषयमा छलफल गर्न बांकी छ ।

A.

अहिलेको अन्तरिम संविधानमा उल्लेख भएको व्यवस्थालाई नै निरन्तरता दिनुपर्छ । कार्यकारी अधिकारसहितको प्रधानमन्त्रीकै व्यवस्थामा अडिएर अघि बढ्नुपर्छ भन्ने हाम्रो स्पष्ट नीति छ । तत्कालका लागि राष्ट्राध्यक्षको भूमिका पनि प्रधानमन्त्रीलेनै खेल्ने गरी गणतन्त्र कार्यान्वयन गर्नका लागि अगाडि बढ्नुपर्छ । नयां संविधान नबन्दासम्म कार्यवाहक राष्ट्रपतिको भूमिका पनि प्रधानमन्त्रीले खेल्ने व्यवस्था रहदा सजिलो हुन्छ भनेका छौं ।

A.

छलफल शुरु भइसकेको छ । मलाई लाग्छ यही आइतबार हामी एउटा टुंगोमा पुग्छौं ।

A.

हाम्रो पार्टीको निर्णय नै यही छ । राष्ट्रप्रमुख र प्रधानमन्त्री एउटै व्यक्तिले संचालन गर्ने निर्णय बनेको छ । पार्टीका साथीहरुले मलाई अगाडि सार्नुभएको छ ।

A.

गिरिजाप्रसाद कोइरालाको दलसंग पनि कुरा गरें । उहांलाई सम्मानित गर्न, उहांको संरक्षकत्वलाई कायम राख्न, सक्रिय पनि राख्नका लागि समग्र एलाइन्स बनाएर त्यसको प्रमुखका रुपमा भूमिका खेल्दिनुहोस् भने । संविधानमै आवश्यक व्यवस्था गरी दलहरुको एलाइन्सको प्रमुखको जिम्मवारी गिरिजाप्रसादलाई राखौं भनें । गिरिजाप्रसादको सक्रियता, सम्मान र संरक्षकत्व आवश्यक छ ।

A.

प्रधानमन्त्री नै कार्यवाहक राष्ट्राध्यक्ष रहने भएपछि अहिले राष्ट्रपतिको कुरै नगरौं । शान्ति प्रक्रियामा गिरिजाप्रसादले खेल्नुभएको भूमिकाको हामी उच्च मूल्यांकन गर्र्छौं । अहिले राष्ट्रपति दिन सकिदैन ।

A.

नेपालको प्रजातान्त्रिक आन्दोलनमा १२ बुंदे सहमति देखि शान्ति प्रक्रियालाई निष्कर्षा पुर्‍याउने देखि संविधानसभा निर्वाचन सफल बनाउन उहांले महत्वपूण् भूमिका निर्वाह गर्नुभएको छ । हामी त्यसको उच्च मूल्यांकन गर्र्छौं । उहांले स्टेट्स्म्यानशिप देखाउनुभएको छ । हामी त्यसको प्रशंशा गर्र्छौं ।

A.

कांग्रेस र एमाले सरकारमा आउनेछन् र आउनुपर्छ । त्यसको कुनै विकल्प छैन ।

A.

कांग्रेस र एमाले सरकारमा नआए संविधान लेख्ने कुरा सहज हुदैन । त्यसले सरकार गठन प्रक्रियालाई पनि सहज हुन दिदैन । संविधान लेख्न र शान्ति प्रक्रियालाई टुंगोमा पुर्‍याउने प्रमुख लक्ष्य पूरा गर्नका लागि उहांहरु सरकारमा आउनुपर्छ ।

A.

अहिले संविधान संशोधन गर्दा धेरै समस्या आउनसक्छ । हाम्रो आग्रह छ कि यही संविधानलाई टेकेर नयां सरकार बनाऊ र गणतन्त्र कार्यान्वयनमा अगाडि बढौं । हामी सहमति र सहकार्यको संस्कृतिको विकास गर्न यही संविधानबाटै टेक्न आग्रह गर्र्छौं । संविधान संशोधनको पक्षमा छैनौं । तर सहमति अपरिहार्य छ ।

A.

बिदाईमा सैद्धान्तिक सहमति जुटिसकेको छ । विधि र प्रक्रियाबारे करिब करिब टुंगोमा पुगेका छौं । हामी चाहन्छौं कि सहज निकासको वातावरण बनोस् । त्यसले भोलिसम्मका लागि राम्रो राष्ट्रिय एकता बनाएर अगाडि बढ्ने अवस्था सृजना होस् । देशको समृद्धिका लागि वातावरण बन्नेगरी पाइला चाल्नुपर्छ भन्ने हाम्रो चाहना छ ।

A.

नारायणहिटी छाड्नुको विकल्प छैन ।

A.

मैंले त्यतातर्फसोचेको छैन । त्यतातिर सोच्नुपर्ने आवश्यकता समेत छैन । राजाले दरबार छाड्छन् भन्नेमा म विश्वस्त छु ।

A.

त्यो समाचार पूरा गलत र कपोकल्पित हो । मैंले भेटेको छैन ।

A.

मैंले सन्देश त र्सार्वजनिक रुपमा पठाएकै छु । राजाका नजिक भन्ने मान्छेमार्फ् पनि सन्देश पठाएको छु ।