तपाईंको सरकारको पहिलो प्राथमिकता के हुन्छ? शान्ति प्रक्रियालाई निष्कर्षमा पुर्‍याउने, लोकतान्त्रिक गणतन्त्रलाई संस्थागत गर्ने किसिमको नयाँ संविधान तोकिएको अवधिमा निर्माण गर्ने र आर्थिक विकासको प्रक्रियालाई द्रुत गतिमा अघि बढाउनु नै यो सरकारको पहिलो प्राथमिकता हो।

A.

मैले जे बोलेको छु– त्यो कार्यान्वयन गरेरै छाड्छु। सबै राजनीतिक दलसँग सहकार्य र सहमतिका आधारमा आम नेपाली जनतासँग एकता गरेर म अघि बढ्छु।

A.

सबै दलसँग सहकार्य गरेर अघि बढ्ने मेरो सोचाइ छ। कांग्रेससँग पनि राम्रो सम्बन्ध विस्तार गर्दै अघि बढ्नुपर्छ भन्ने सोच बनाएको छु।

A.

प्रत्यक्ष रुपमा म प्रधानमन्त्री भइसकेपछि कांग्रेससँग कुराकानी त भएका छैन। तर, म कुराकानी गर्ने सोचाइमा छु।

A.

म भारत जानुअघि सबै राजनीतिक दलसँग कुराकानी गरेर सहमति लिएर नै जान्छु। नेपाली कांग्रेससँग पनि भारत जानुअघि म विशेष कुराकानी गर्ने पक्षमा छु।

A.

१२ बुँदे समझदारीदेखि लोकतान्त्रिक आन्दोलनलाई सफल तुल्याउन र संविधानसभा निर्वाचन सम्पन्न गराउनसम्म भारतले जुन सहयोग गरेको छ– त्यो महत्वपूर्ण पक्ष हो। त्यसैगरी नेपाल र भारतको भौगोलिक, सांस्कृतिक र धार्मिक परम्परा समान छ। भारत मित्रराष्ट्र भएका कारणले पनि मैले पहिलो औपचारिक भ्रमणका लागि भारतलाई नै रोजेको हुँ।

A.

एकदम, भारत भ्रमण सफल हुन्छ।

A.

म अहिले सबै कारण त खोल्न सक्दिनँ। तर मेरो भारत भ्रमण सफलमात्र होइन– ऐतिहासिक पनि हुन्छ। भारत भ्रमणको संवेदनशीलतालाई हेर्दै म अहिले परामर्श र गृहकार्यमा जुटेको छु।

A.

नेपाल–भारतबीचको सदियौंं पुरानो सम्बन्धलाई अझ प्रगाढ बनाउने, दुई देशका बीचमा देखिएका समस्यालाई कूटनीतिक ढंगले समाधान गर्ने र कोशी तटबन्धलगायतका विषयमा देखा परेका अप्ठेरालाई समेत दीर्घकालीन समाधान गर्ने यो भ्रमणको उद्देश्य रहन्छ। तर भ्रमणका क्रममा के के एजेन्डा प्रस्तुत गर्ने भन्ने सन्दर्भमा छलफल जारी नै रहेकोले सवै कुरा खोल्न सक्दिनँ।

A.

 मन्त्रिपरिषद्ले पूर्णता पाइसकेको छ। अब हामी विशेष समिति बनाउँछौं। त्यो समितिले सेना समायोजनको प्रक्रिया सुरु गर्छ।

A.

मेरो काम भनेको शान्ति प्रक्रियालाई निष्कर्षमा पुर्‍याउनु हो। त्यसका लागि सेना समायोजनमा टुुङ्गो लगाउनु अपरिहार्य छ।

A.

त्यो गलत हल्ला हो। हामी अहिले सेनापति परिवर्तन गर्ने पक्षमा छैनौं। सबैको सहयोग र समर्थन लिएर सरकारले कसैलाई पूर्वाग्रही नराखी अघि बढ्छ।

A.

प्रधानमन्त्री भएपछि पार्टीको नेतृत्व छाड्नुपर्छ भन्ने दुनियामा कहीं पनि यस्तो नियम छैन। हाम्रो पार्टी भनेको केन्द्रीय र एकीकृत नेतृत्वमा चल्नुपर्छ भन्ने मान्यता राख्ने दल हो। त्यसैले अहिले मैले कसैलाई पनि कार्यवाहक अध्यक्ष दिने सोचाइ बनाएको छैन।

A.

यो सरकार शान्ति प्रक्रियालाई टुङ्गोमा नपुर्‍याउन्जेल र संविधान निर्माण नहुनन्जेल पूरै अवधि टिक्छ। किनभने यो सरकार राष्ट्रिय सहमतिमा बनेको हो। दुई तिहाइ बहुमत प्राप्त गरेर बनेको सरकार हो यो। हामी अहिले जुन जुन पार्टी सरकारमा सहभागी भएका छौं, सबै दलबीच सम्वाद, सहमति र सहकार्यका साथ अघि बढ्छौं। त्यसैले हामी फेरि पनि अर्काे निर्वाचनमा बहुमतमात्र हैन– दुई तिहाई नै ल्याउन सक्छौं।

A.

अब हामी सरकारको नीति तथा कार्यक्रम चाँडै सार्वजनिक गर्दैछौं। त्यस्तै चाँडै नै आउने बजेट मार्फत जनतालाई तत्काल के राहत दिन सक्छौं त्यसबारेमा गम्भीर छलफलमा जुटेका छौं। हाम्रा दीर्घकालीन उद्देश्य के के छन् भन्ने कुरा तपाईंहरुले चाँडै देख्न पाउनुहुनेछ। अब सरकारको नीति तथा कार्यक्रम र बजेटमार्फत जनताले राहतको अनुभूति पाउनेछन्।