० राजनीतिक परिवर्तनपछि पनि विरोधको शैलीमा परिवर्तन नि ?

- यति ठूलो परिवर्तनपछि पनि शान्ति सुरक्षाको प्रत्याभुति, लगानीको सम्मान र प्रतिस्पर्धाको वातावरण नभएकाले मुलुकको आर्थिक अवस्था राम्रो नरहेको प्रस्ट्याइरहनु पर्दैन । त्यसैले बन्द र हड्ताल कार्यक्रम सबैले बन्द गर्नुपर्‍यो भन्ने हाम्रो माग हो ।

० बन्द र हड्ताल प्रजातान्त्रिक अधिकार होइन र ?

- जुन कार्यले मुलुकको हित गर्दैन, जनताको हित गर्दैन, त्यस्ता कार्यलाई कसरी लोकतान्त्रिक भन्ने - अब विरोधको शैलीलाई परिवर्तन गरेर यस्तो कार्यक्रम ल्याउनुपर्‍यो, जुन विरोध कार्यक्रमले जनता र राष्ट्रको सवाङ्गीण हित गर्न सकोस् । देश र जनतलाई नोक्सान नहुने गरी मानिसलाई जागरुक गराउने कार्यक्रम ल्याउनुपर्‍यो ।

० समग्रमा मुलुकको आर्थिक क्षेत्रको अवस्था कस्तो पाउनुभएको छ ?

- आर्थिक अवस्था जर्जर छ । नयाँ लगानीका सम्भावना न्यून छन् । स्वस्थ प्रतिस्पर्धा छैन । वीरगन्जमा मात्र सरकारी विदाबाहेक थप ५० दिन विदा हुने गरेको छ । यसले उद्योग व्यवसाय सञ्चालनमा समस्या आएको छ । यसमा हामीले भारतबाटपाठ सिक्न सक्छौं । भारतमा स्वतन्त्रता संग्राम हुँदा महात्मा गान्धीले सबै विदेशी सामग्री त्याग गर्न जनतालाई अनुरोध गरेका थिए । भारत स्वतन्त्र भएपछि उनैले मुलुकमा भएका उद्योगधन्दालाई राम्रोसित सञ्चालन गर्न लगाए । उद्यमी, व्यवसायीलाई सुरक्षाको प्रत्याभूति र सम्मानका साथै प्रतिस्पर्धाको वातावरण बनाइदिएकाले भारतले अहिले यति ठूलो प्रगति गर्न सकेको हो । यसले के सिद्ध गर्छ भने, नेतृत्वमा देश र जनताप्रतिको जिम्मेवारीबोध महत्वपर्ूण्ा पक्ष हो ।

० तोकिएको समयमा संविधानसभा निर्वाचन हुने देखिएको छैन । यसबारे के भन्नुहुन्छ ?

- मुख्यतः अन्तरिम संसदले समयमा नै अत्यावश्यक कानुन बनाउन सकेन । सरकार बन्न नै ढिला भयो । र, जनतालाई स्वच्छ, निष्पक्ष र भयरहित निर्वाचन हुन्छ भन्ने विश्वास दिलाउन पनि सकिएन । यसले गर्दा नै समयमा चुनाव हुन नसकेको हो । अर्को कुरा, अन्तरिम संविधानमा संविधानसभा चुनावको समयसीमा हतारमा तोकिएको थियो ।

० संविधानसभा निर्वाचनका निम्ति कस्तो तयारी आवश्यक होला ?

- राजनीतिक प्रतिबद्धता, पर्ूण्ा रुपले सुसूचित जनता एवं भय र त्रासरहित वातावरण बनाउन जरुरी छ ।

० माओवादीले भनेजस्तो संसदबाट गणतन्त्र घोषणा गर्न मिल्छ कि मिल्दैन ?

- जनताको अधिकार खोस्न मिल्दैन । यति ठूलो सवालमा जनताको निर्ण्र्ाानलिई संसदबाट गणतन्त्र घोषणा गर्नु मुलुकको हितमा छैन । बरु संविधानसभा निर्वाचन जतिसक्दो चाँडो गरिनुपर्छ । यसमा सबै दलले आप\\mना एजेन्डा स्पष्टसाथ जनसमक्ष ल्याउनुपर्छ ।

० संविधानसभा निर्वाचनअघि जनमत संग्रहको कुरा पनि आएको छ नि ?

- अहिले राजनीतिक दलहरुबीच एकताको अवस्था छैन । दलहरुको कलहका कारण नै नेपालमा जनमतसंग्रहको सम्भावना छैन । दलहरु नै अस्पष्ट भएको अवस्थामा केको जनमत संग्रह ?

० नयाँ नेपालको निर्माण कसरी होला ?

- कार्पेट, पस्मिना हाम्रो आप\\mनै मौलिक उत्पादन होइनन् । त्यसका कच्चा पदार्थ पनि हामीले आयात नै गरेका हौं । तिब्बती शरणार्थीबाट सिकेको सीप हो । तर, यसले विश्वमा नेपाली सक्षम भएको प्रमाणित गर्न सकेको छ । ट्रेकिङ, र्‍यापि\\mटङ र पर्वतारोहणबाट नै अधिकतम आर्थिक उपलब्धि हासिल गर्न सक्छ ।