नायक दिलीप रायमाझीले नेपालमा सबैभन्दा सस्तो विवाह गरेका रहेछन् । विवाहका बेला उनको गोजीमा जम्मा दस रुपैयाँ थियो । दस रुपैयाँ उनले सिन्दुर किन्न र बस भाडामा खर्च गरे । रित्तो गोजी र नयाँ जोडी लिएर उनी घर गए ।

टिन एजमै डिल्लीबजारमा नृत्य सिक्दासिक्दै मञ्जुको सरलता, आत्मीयता, बौद्धिकता उनलाई औधी मन परेछ । दर्ुइ-चार वर्षो अफेयर भागी विवाहमा परिणत भयो । मागी विवाह नभए पनि जोडी सजातीय नै थियो । त्यसैले घरले अस्वीकार गरेन । त्यतिबेला दिलीप १९ वर्षो थिए भने मञ्जु चार वर्षकान्छी । उनले कस्तरी मन पराएछन् भने, मञ्जुबिना हर क्षण तड्पेजस्तो हुन्थ्यो ।

कलिउड नायक दिलीप रायमाझीले विवाह गरेको १०, १२ वर्षभइसक्यो । किशोर उमेरमा उनले कसैलाई प्रेमपत्र लेखे, तर जवाफ आयो- नो, सरी । यस्तो जवाफले उनको मायालु हृदयमा गहिरो चोट लाग्यो । नो, सरी भन्ने सुन्दरीहरुलाई उनी अहिले बाटाघाटा कतै पनि भेट्दैनन् । दिलीप त्यस्ता अभागी प्रेमी हुन्, जसलाई मनपराउने कोही थिएनन् । 'मैले चाहेका बेला कसैले मन पराएनन्,' उनी भन्छन्, 'त्यसपछि मैले पनि मन पराउन छाडिदिएँ ।'

बचपनमा विवाह गरेकाले मञ्जुसित उनको ठाकठुक परिरहन्थ्यो । अहिले चाहिँ पर्दैन । खाली गोजी, अल्लारे उमेर भएकाले उनले हनिमुन मनाएनन् । तर, धेरै वर्षछि पत्नीसहित उनले आधा विश्व यात्रा गरेका छन् । पहिले ब्युटीसियन मञ्जु अहिले हाउसवाइफमा सीमित छिन् ।

दिलीपको विचारमा प्रेम भनेको शक्ति हो । प्रेमबाट प्रगति सम्भव छ । र, जीवन बिताउन सजिलो हुन्छ । प्राणी जगत्मा प्रजनन र मनोरञ्जनका निम्ति सेक्सको महत्व उनी अस्वीकार गर्दैनन् । उनी भन्छन्- सेक्सविना पनि बाँच्न सकिन्छ । विवाहअघि र पछि परस्त्रीसित सम्बन्ध नरहेको उनको दाबी छ । 'मैले घरमा झगडा पर्छ भनेर ढाँटेको हैन है,' एकमात्र छोरी दिव्याका पिता दिलीपले पंक्तिकारसित भने । छोरीको आकांक्षामा हस्तक्षेप नगर्ने उनको प्रतिबद्धता छ ।

दिलीप रायमाझी २०३३ मा कर्ीर्तिपुरमा जन्मेका हुन् । साथै आनन्द-शान्ति रायमाझीका कान्छा छोरा । उनका दाजु दीपक सिड्नी बस्छन् भने दिदी अञ्जना लन्डनमा । अर्की दिदी अञ्जु नेपालमै छिन् । कर्ीर्तिपुरको लेबोरेटोरी माध्यमिक विद्यालयपछि सिर्द्धार्थ वनस्थलीबाट उनले विद्यालय शिक्षा पुरा गरे । उनले २०५० मा एसएलसी गरेका हुन् ।

विद्यालयकालीन उमेरमा आदिकवि भानुभक्तका कविताबाट प्रभावित थिए दिलीप । घाँसीले भनेजस्तो नाम कमाउने धोको उनको मनमा गढेको थियो । नाम कमाउने इरादा न थियो, हिरो बन्ने सपनाले दिलीपमा नृत्य झुकाव बढ्यो । हिउँदे विदामा थुप्रै स्टेज नृत्य गरे उनले । चलचित्रमा रुचि छँदै थियो । अरु क्षेत्रमा उनका खासै शोख थिएनन् ।

नायक दिलीप रायमाझीले नृत्य गरे, स्टेज शो गरे, हिरो बने, फिल्म बनाए, चारवटा चलचित्रमा नृत्य निर्देशन गरे, अव गायक बन्दैछन् । चलचित्र पालेदाइमा उनले गाएका छन् । भविष्यमा उनी चलचित्र निर्देशनमा लाग्ने विचार गर्दैछन् ।

त्यसो त दिलीप चलचित्र नपाएर निर्माता बन्न लागेको होइन रहेछ । अहिले उनी सहिद र बुबाआमा नामक चलचित्र खेलिरहेका छन् । सहिद उनको क्रान्तिकारी चलचित्र हो । बेरोजगारी पीडित युवक क्रान्तिकारीका देश र जनताका निम्ति लडेको कथा छ यसमा । कलाकारका रुपमा दिलीपमा राजनीतिक चेतना छ । तर, यसमा चाख र ज्ञान नभएको भन्न मनपराउँछन् । 'मेरो क्षेत्र कलाकारिता हो, म कुनै पार्टर्ीी सम्बद्ध छैन,' उनी भन्छन्- 'बिर्सर्ेेपनि म नेपालमा राजनीति गर्दिन ।

नेपालमा त्यस्तो नेता जन्मेको रहेनछ, जसलाई दिलीप मन पराऊन् । उनको विचारमा दृश्यमा रहेका सबैजसो नेताको परीक्षण भइसकेको छ । अव पालो प्रचण्ड, डा. बाबुराम भट्टर्राईहरुको हो । उनीहरुले नयाँ नेपाल बनाउनसक्छन् कि सक्दैनन् हर्ेर्नुछ । उनमा 'स्पष्टवक्ता' प्रचण्ड राष्ट्रपति बनेको हर्ेर्ने रहर पनि छ ।

उनलाई हिरोमा राजेश हमाल मनपर्छ भने निर्देशकमा नारायण पुरी, उज्जवल घिमिरे, किशोर राना, शिव रेग्मीहरु । जनावरमा उनलाई कुकुर राम्रो लाग्छ । घरमा पालेका छन् पनि । शाकाहारी दिलीप साधारण दालभात तरकारीमा चित्त बुझाउँछन् । पार्टर्ीीम्ाा कहिलेकाहीँ मात्छन् दिलीप । उनको स्कच प्रिय हन्ड्रेड पाइपर हो । पार्टर्ीीमा मात्दा साथीहरुले उनलाई नपिउन सल्लाह दिन्छन् । त्यसो त दिलीप सुटिङका बेला चुरोट तानेजस्त्ाो पनि गर्छन् ।

सानैदेखि हिरो बन्ने चाहना भएकाले आदिकवि भानुभक्तका निम्ति सिलेक्सन भएको दिन उनी बिर्सदैनन् । त्यस दिन उनलाई जीवनको सपना पूरा भएजस्तो लागेको थियो । दिलीप धार्मिक प्रवृत्तिका हिरो हुन् । बरोबर गइरहन्छन् मन्दिर । उनलाई साइबाबालाई भेट्न औधी मन लागेको छ ।

दिलीपको अनुभवमा कलाकारको जीवन दुखिया छ । 'हामी हरेक बिहान उठेर पात्रको जिन्दगी बिताउँछौं,' उनी भन्छन्, 'अरुको समस्या देखाउँछौं । र्सवसाधारणजस्तो समयमा खान, बस्न र सुत्न पाइँदैन तर जति दुःख पाए पनि यो रोजेको क्षेत्र हो । प्रस्ताव आए विदेशी सिनेमा खेल्ने सुरसार छ उनको । उनले भने, 'तर, म हलिउड, बलिउडमा नै जान्छु भन्ने सोचेको छैन ।'