गणेश आचार्य, दाङ । घोराहीमा हिजो भएको सवारी र्दुघटनामा तीन जनाको मृत्यु भएपछि मृतकका आफन्तले अबरुद्ध गरेको घोराही लमही सडकखण्ड अझै सुचारु भएको छैन । मृतकका आफन्तले सडकमै शव राखेर अबरुद्ध गरेका छन् ।

सडक खुलाउने बिषयमा आज बिहान १० बजे छलफल हुने दाङका प्रहरी प्रमुख टिकाराम सिजवालले बताउनुभएको छ । यातायात समितिका पदाधिकारी सर्म्पर्कमा नआएकाले वार्ता हुन ढिलाई भएको बताए । चौघेराबाट घोराहीतर्फ आउदै गरेको ना ३ ख ४९०१ नम्बरको बस र घोराहीबाट लमहीतर्फजादै गरेको रा १ प ३८७९ नम्बरको मोरटसाइकल घोराही नगरपालिका-४ कटुवाखोला नजिक ठोक्किदा हिजो मोटरसाइकलमा सवार ढिकपुर-४ बस्ने २७ बर्षिय दिपेन्द्र बिक र रामपुर-४ निबासी ३० बर्षिया अञ्जु बिक तथा पैदल यात्री घोराही नगरपालिका-६ गिठेपानीका ३० बर्षीय राजु बुढाको घटनास्थलमै मृत्यु भएको थियो ।

र्दुघटनामा घोराही-६ गिठेपानीका प्रेमबहादुर र्घर्ती र लोकबहादुर बुढा घाइते भएका छन् । घाइतेको नेपालगञ्जमा उपचार भैरहेको छ ।यसैबीच केही दिनअघि जिपको छतबाट खसेर एकजनाको मृत्यु भएपछि मृतकका आफन्तले क्षतिपूर्तीको माग गर्दै हिजो दिउंसोदेखि अबरुद्ध गरेको तुलसीपुर-घोराही, तुलसीपुर-सुर्खेत र तुलसीपुर-सल्यान सडक पनि अझै सुचारु भएको छैन । आइतबार विहानैदेखि तुलसीपुर-हापुरे सुर्खेत सडक खण्ड अवरुद्ध गरेका आफन्तले हिजोदेखि थप सडक अबरुद्ध गरेका हुन् । धनौरीको रगैचाबाट तुलसीपुरतर्फ आउदै गरेको ना १ ज १३७६ नम्बरको जिपको छतबाट खसेर केहिदिनअघि तुलसीपुर नगरपालिका-८ दुधेना निवासी २१ वर्षीय सन्तोष वलीको ज्यान गएको थियो । बिभिन्न र्दुघटनाका कारण सडक अवरुद्ध भएपछि पर्ूवपश्चिम राजमार्ग बाहेक जिल्लाका अन्य सडकमा कुनै पनि यातायातका साधनहरु चल्न सकेका छैनन् । जिल्लाभरी नै यातायात ठप्प हु"दा जनजीवन कष्टकर भएको छ ।