चितवन, असार १७ । एकीकृत नेकपा माओवादीका अध्यक्ष प्रचण्डले नेकपा एमालेका हजारौं कार्यकर्ता आफ्नो दलमा प्रवेश गर्ने दाबी गरेका छन् । आज गृहजिल्ला चितवनको शिवनगर पुगेका उनले एमालेबाट प्रभावशाली नेताहरुसमेत माओवादीमा प्रवेश गर्न लागेको बताए ।

२० गते औपचारिक समारोहका बीच एमालेका हजारौं कार्यकता प्रवेश गर्ने कार्यक्रम रहेको उनको भनाई थियो । उनले भने, एमालेले देश र जनतालाई धोका दिएकाले अब उसको अस्तित्व खतरामा परेको छ । एमाले नेतृत्वको सरकारमा कुनै हालतमा सहभागी नहुने स्पष्ट पारे । हरुवाहरुको सरकारमा आफ्नो दल सहभागी नुहने भन्दै नागरिक सर्वोच्चता कायम गरेर अगाडि बढ्ने बताए । उनले भने, चांडै माओवादी नेतृत्वमा सरकार बन्छ ।

वर्तमान सरकारलाई सरकार भन्न नमिल्ने बताए । कानुन मिचेर बनेको सरकारको कुनै हैसियत नभएको भन्दै चांडै आफूहरुको नेतृत्वमा सरकार बन्न लागेकाले धर्ैय गर्न आग्रह गरे ।