काठमाडौं, असार १७ । चिनिया कम्युनिष्ट पार्टीका पोलिटव्युरो सदस्य तथा नेपालका लागि पूर्वराजदूत झाङ जिउहृवान आज काठमाण्डौँ आएका छन् । नेपाल आएलगत्तै राजनीतिक भेट शुरु गरेका छन् ।

उच्चस्तरीय प्रतिनिधिमण्डलको नेतृत्व गर्दै कुटनीतिक भ्रमणका लागि नेपाल आएका जिउहृवानले परराष्ट्र्मन्त्री सुजाता कोइरालासंग भेटवार्ता गरेका छन् । रिपोर्र्टर्स नेपाल डट कमसंग कुरा गर्दै कोइरालले भेटमा नेपालको शान्ति प्रक्रिया र आर्थिक सहयोगका विषयमा छलफल भएको बताइन् ।

स्रोतका अनुसार चीनले नेपालमा चीनविरोधी गतिविधिलगायतका विषयमा चासो राखेको थियो । कोइरालाले नेपाली भूमिबाट कुनै हालतमा चीनविरोधी गतिविधि गर्न नदिने स्पष्ट पारिन् । शान्ति प्रक्रियामा चिनियां सहयोगका लागि धन्यवाद व्यक्त गरिन् ।

विहानै नेपाल आइपुगेका जिउहृवान सन् १९९५ नोभेम्बरदेखि १९९८ मे सम्म नेपालका लागि चिनिया राजदूतको रुपमा रहेका थिए ।