काठमाडौं, असार १८ । एकीकृत नेकपा माओवादीका वरिष्ठ नेता मोहन वैद्य किरणले देशमा राष्ट्रपति शासन ल्याउने षड्यन्त्र भइरहेको बताएका छन् । रिपोर्र्टर्स क्लब नेपालको साक्षात्कारमा बोल्दै कांग्रेसको एउटा गुट र एमालेको केपी ओली गुट भारतको दलाली गर्दै राष्ट्रपति शासन ल्याउने षड्यन्त्रमा लागेको आरोप लगाएका हुन् ।

मुठभेडको अवस्था बनाएर संकटकाल हुदै राष्ट्रपति शासन ल्याउने षड्यन्त्र भइरहेको छ, किरणले भने, नेपाली कांग्रेसको एउटा गुट र एमालेको केपी ओली गुट भारतको दलाल बनेर षड्यन्त्रमा लागेका छन् । आफूलाई लोकतन्त्रको मसिया भन्नेहरुनै लोकतन्त्रको हत्या गर्न उद्धत रहेको उनको आरोप थियो । वर्तमान सरकार विदेशीको कठपुतली भएको टिप्पणी गरे । भारतको पत्रिकालेनै वर्तमान सरकारलाई भारतीय पक्षको भनी व्याख्या गरेको उल्लेख गर्दै भने, सरकार विदेशी दलालहरुको हो भन्ने प्रमाणित भइसकेको छ ।

रिपोर्र्टर्स क्लब नेपालका अध्यक्ष ऋषि धमलाको सभापतित्वमा सम्पन्न साक्षात्कारमा बोल्दै सरकार लामो समय टिक्न नसक्ने बताए । प्रधानमन्त्री माधवकुमार नेपालले तत्काल राजीनामा दिनुपर्नेमा उनको जोड थियो । उनले भने, यो सरकार टिक्ने कुनै नैतिक आधार छैन । सरकार संचालनमा अदृश्य हातहरु रहेको बताए ।

आफूहरुले राष्ट्रपतिको कदम पछि उत्पन्न असमझदारी हटाउन सदनमा नागरिक सर्वोच्चताका लागि प्रधानमन्त्री माधवकुमार नेपालको सम्बोधन आउनुपर्ने भन्दा भन्दै बेवास्ता भएको भन्दै कडा कदम चाल्ने चेतावनी दिए । नागरिक सर्वोच्चताका पक्षमा सम्बोधन नआएसम्म सदन चल्न नदिने बताए । उनले भने, नागरिक सर्वोच्चताका पक्षमा प्रधानमन्त्रीबाट सम्बोधन नआएसम्म सदन चल्न दिदैनौं । आफूहरु जनव्रि्रोहको बाटोलाई कायमै राखी मेलमिलापको सरकार निर्माणमा लागेको बताए । वर्तमान सरकारविरुद्ध गणतन्त्रवादी, राष्ट्रवादीहरु एक भएर लाग्नुपर्ने बताए । जनताको बलले सरकार ढल्ने भन्दै त्यसपछि आफ्नो दलको सरकार बन्ने बताए । सरकारमा माओवादीबाट कस्को नेतृत्व रहन्छ भन्ने प्रश्नमा उनले भने, हाम्रो दलमा प्रधानमन्त्री बन्नसक्नेमा प्रचण्ड, डा.बाबुराम भट्टर्राई, नारायाकाजी श्रेष्ठ मात्र होइनन् बादल, कृष्णबहादुर महरा, देव गुरुड. जस्ता नेताहरु पनि छन् । सेना समायोजन विशेष कमिटिमा माओवादी अध्यक्ष प्रचण्डनै रहनुपर्ने बताए ।

नेपाली कांग्रेसका केन्द्रीय सदस्य डा.रामशरण महतले माओवादी संकटकालको अवस्था सृजना गर्न लागिपरेको बताए । टुंगो लागिसकेको विषयमा ढिपी नछाडेर मुठभेडको अवस्था ल्याउन खोजेको बताए । उनले भने, सरकार, सदनको कार्यव्यवस्था समिति र संविधानसभामा प्रतिनिधित्व गर्ने २२ दलले टुंगो लगाइसकेको विषयमा ढिपी गरेर अस्थिरता सृजना गर्न खोजिदैछ । भविष्यमा उत्पन्न हुनसक्ने कुनैपनि परिस्थितिको जिम्मेवार माओवादी हुनुपर्ने उनको भनाई थियो ।

विदेशीलाई गाली गर्ने माओवादी शैलीमा कुनै राजनीतिक इमान्दारिता नभएको बताए । उनले भने, आफ्नो सरकारलाई र्समर्थन गर्नेलाई अन्तराष्ट्रिय र्समर्थन भन्ने अनि अरुको नेतृत्वको सरकारलाई र्समर्थन गर्न विदेशी दलाल भन्ने यो इमान्दारिता भएन । माओवादीकै कारण विदेशीको हेपाहा प्रवृत्ति आएको बताए । अध्यक्ष प्रचण्ड विगतमा पटक पटक भारतीय राजदूतावास छिरेको प्रसंग औल्याउदै भने, आफूले गर्दा ठिक अनि अरुले गर्दा रडाको मच्चाउने माओवादीमा इमान्दारिता रहेन । र्

वर्तमान सरकार ढल्ने कुनै सम्भावना नरहेको बताए । माओवादीले सरकार ढालेर अर्को सरकार बनाउछु भन्नु कल्पना मात्र भएको बताए । उनले भने, नेपाली जनतालाई सरकार फर्ेर्नेमा मात्र लागेर अलमलिने समय छैन । यो सरकारलाई नै राष्ट्रिय सरकारको स्वरुप प्रदान गर्न माओवादी समेत सहभागी हुनुपर्नेमा जोड दिए । माओवादीले जिम्मेवारीका साथ प्रस्तुत भएर वर्तमान सरकारलाई काम गर्न दिनुपर्ने बताए ।

बजेट ल्याउनका लागि तत्काल सदन सुचारु गर्न दिन आग्रह गरे । सदन अवरुद्ध भइरहने हो भने बैठक अन्त गरी अध्यादेशको सम्भावना रहने औल्याए । उनले भने, अध्यादेशको अवस्था आउन नदिन माओवादी जिम्मेवार बनोस् ।

रिपोर्र्टर्स क्लब नेपालका अध्यक्ष ऋषि धमलाले सहमतिबाटै अगाडि बढ्न आग्रह गरे । सहमति, सहकार्य र एकता बनाएर नयां संविधान निर्माणमा लाग्नुपर्नेमा जोड दिए ।