गणेश आचार्य, दाङ । बसको ठक्करबाट मृत्यु भएका तीन जनाका परिवारलाइ एक लाख ५० हजारका दरले क्षतीपूर्ति दिने सहमती भएको छ । आज जिल्ला प्रशासन कार्यालय दाङको घोराहीमा स्थानीय प्रशासन, मृतकका आफन्त र यातायात समितीबीच भएको वार्तामा र्दुघटनामा परी ज्यान गुमाएका परीवारलाई साढे एक/एक लाख रुपैँया दिने,घाइतेको उपचार खर्च यातायात समितीले व्यहोर्ने,बसमा आगजनी गर्ने समुहको पहिचान गरी कार्वाही गर्ने सहमती भएको छ ।

त्यसैगरी बसको ठक्करबाट मृत्यु भएका राजु बुढाका छोराछोरीलाई निशुल्क पढ्ने वातावरण मीलाउन पहल गर्ने,आगजनी भएको वसको क्षतिपूर्तिका लागी केन्द्रमा पहल गर्ने पनि वार्तामा सहमती भएको छ । ना ३ ख ४९०१ नम्बरको बसले अस्ती कटुवाखोला नजिक ठक्कर दिँदा तीन जनाको घटना स्थलमै ज्यान गएको थियो । भने दुइ जना घाइते भएका थिए ।घाइतेहरुको नेपालगंञ्जमा उपचार भैरहेको छ ।