ASSOCIATION WITH RADIANT INFOTECH NEPAL
चार वर्षअघि अमेरिका गएकी नायिका करिश्मा मानन्धरले यो वर्षछोरी कवितालाई समेत लिएर गएपछि पत्नी र छोरीबिनाको जीवन बिताउन विनोद मानन्धर बाध्य बने । केही महिनाअघिसम्म पत्नी अमेरिका बसे पनि छोरीको अनुहार हेरेर चित्त बुझाउने विनोद यतिखेर नितान्त एक्लो भएका छन् ।करिश्माबिनाको व्यथा बोकेका विनोदको दिन एक्लो र रात चिसो भएको पनि वर्षौ भैसकेको छ । तर पनि पत्नी करिश्मालाई नेपाल फर्कनुपर्दछ र तिमीबिनाको मेरो जिन्दगी अधुरो भयो भनेर यो वर्षपनि उनले रोक्न सकेनन् । अमेरिका बसेर करिश्माले अझ धेरै कुरा सिक्न बाँकी छ ।
दुःख भनेको कुन चराको नाम हो उनलाई अझै पनि थाहा छैन् । त्यो पनि बिस्तारै बुझ्दै छिन् । सम्भवतः अर्को वर्षउनी नेपाल आउँदा म उनलाई फर्काउदिन होला भन्ने विनोदको करिश्मासँग बिहे भएको पनि १६ वर्षलागिसकेको छ । यो वर्षबाट विनोद पनि उमेरको उकालोमा ५० पुगिसकेका छन् । विनोदकै अनुसार करिश्मा ३३ काट्दै छिन् । उमेरको हकमा दुवैबीच १६-१७ वर्षको फरक भए पनि मायामा उमेरले केही फरक पार्दैन भन्ने उदाहरण बने विनोद र करिश्मा । त्यो बेला लन्डनमा चलचित्र कस्तुरीको सुटिङताका नेपाल फर्कने बेलामा करिश्माले लोलाएको मायालु नजरले हेरिदिँदा भक्कानिएको मनलाई समाल्न निक्कै गाह्रो भएको क्षणलाई पनि उनले भुल्न सकेका छैनन् ।
वास्तवमा करिश्मा र विनोदको प्रेम कस्तुरीको सुटिङको समयमा नै बिस्तारै मौलाएको थियो । विनोद करिश्माको सुन्दरता र मायालु व्यवहारले नै लठ्ठिएका थिए । कस्तुरीको निर्माणपश्चात् नेपाल आउने विनोदलाई त्यसै पनि बहाना मिलेको थियो । प्राय नेपाल नआउने विनोद अझ करिश्मालाई नै भेट्ने अभिलासाले वर्षकै २-४ पल्ट आउने-जाने गर्दा उनलाई धेरैले जिस्क्याउँथे ।
चलचित्र कस्तुरीकै सहनिर्माता गायक किरण प्रधान र क्यामरामेन गौरीशंकर धुंजुले तिमीलाई करिश्माले ज्यादै मन पराउँछे, यही मौका हो, बिहे गरेर मात्र लन्डन फर्क भनेर उक्साएपछि बाबुआमाको स्वीकृतिबेगर नै बिहे गरेको अझै पनि उनको आँखामा नाचिरहने गरेको छ ।
ँकरिश्मासँग बिहे गर्दा म ३५ पुगिसकेको थिएँ । उनी त्यो बेला सानै उमेरकी थिइन् । उनको हरेक व्यवहार बच्चाको जस्तो थियो । साना-मसिना कुरामा पनि किचकिच गर्ने र बिनसित्तीमा निहुँ खोजेर झगडा गर्ने बानीले म कायल बनेको थिएँ । उनले अगाडि बताए- त्यो बेलाको कुरा सम्झँदा मेलै त्यो बेलामा व्यर्थै आफूभन्दा सानो उमेरकीसँग बिहे गरेछु भनेर पछुताएको पनि थिएँ । त्यो सबै उनको उमेरको कारण थियो । उनलाई परिपक्व बनाउन मलाई त्यस्तै ५ वर्षजति लाग्यो ।’
करिश्माकै लागि लन्डनका करोडपति बाउको सम्पत्ति र व्यापार-व्यवसायलाई पनि खासै महत्व नदीकन नेपाल बसेका विनोदलाई जीवनको उत्तरार्द्धमा आएर एक्लै बस्नुपरेको कारण के थियो रु विनोद र करिश्माबीच के कुरामा मतभेद थियो भन्ने प्रश्न राख्दा विनोद निक्कै गम्भीर बनेका थिए । गोजीबाट चुरोट झिक्दै लामो सर्को तानेपछि अलिकति शान्त मन लिएर आफ्नो मनभित्रको कुरा यसरी खोले- ँवास्तवमा हामीबीच शारीरिक सम्बन्धमा कुनै प्रकारको समस्या परेको छैन् । उनको शारीरिक आवश्यकता पूरा गर्नमा मैले कुनै कसर बाँकी राखेको थिइन । उमेर जति पुगे पनि त्यो मामलामा म अलि बलियो नै छु । तर लोग्ने-स्वास्नी भएपछि जसको पनि सामान्य मतभेद हुने गर्दछ । त्यो मतभेद हामीमा पनि हुने गर्दथ्यो । त्यसलाई नै माध्यम बनाएर करिश्मा अमेरिका काम गर्न बसेकी भने होइन।
’उनले फेरि अर्को चुरोट सल्काएको अगाडि बताउँदै गए- ँवास्तवमा करिश्मालाई अमेरिका राख्नुको पछाडि उनले त्यहाँ बसेर पैसा कमाओस् भन्ने मेरो कुनै चाहना होइन । पैसाको लागि उनी त्यहाँ बसेर दुःख गर्नु नै पर्दैन । मेरो मनग्गे सम्पत्ति नै काफी छ । तर पनि मैले उनलाई अमेरिका पठाउनुको कारण चाहिँ उनले पनि पैसालाई चिनुन् भनेर हो । नेपाल हुँदा करिश्माले पैसा चिन्न नै सकिनन् । फोकटमा ४०-५० हजारको सपिङ गरेर खर्च गर्ने प्रवृत्तिले म आजित बनेको थिएँ । उनी निक्कै खर्चालु बनेको देख्दा म यति हैरान बने कि, हे भगवान् यसले कहिले पैसो चिन्ने हो भनेर भगवानसँग प्रार्थना पनि गर्थे ।
’करिश्माको खर्चालु बानीले हैरानीमा परेको त्यो तीतो-सत्यलाई सम्झँदै उनले अगाडि भने- ँराजविराजमा जन्मेर काठमाडौंको आनन्दकुटी विद्यालयमा अध्ययन गरी लन्डन गएर जीवनका दुःखसुख मैले निक्कै नजिकबाट बुझेको थिएँ । पैसालाई मैले राम्ररी चिनेको पनि थिएँ । त्यसैले कस्तो स्थानमा कसरी खर्च गर्नुपर्दछ भनेर मलाई काइदासँग आउँछ । तर करिश्मालाई भने यस बारेमा कुनै चासो नै थिएन । जसको कारण पैसा कमाउन कति गाह्रो छ भनेर बुझाउनकै लागि पनि उनलाई एक्लै अमेरिका पठाएको थिएँ । उनको भाग्य नै ठूलो भएको कारण अमेरिकी सरकारले ग्रिनकार्ड समेत दियो । यसमा मलाई गौरव लागेको छ ।
