सामाजिक रुपान्तरणका लागि नागरिक समाजले रिपोर्टर्स क्लब नेपालका अध्यक्ष ऋषि धमलालाई नागरिक सम्मान प्रथम-२०६३ द्वारा अभिनन्दन गरेको छ । जनआन्दोलन, २ मा लोकतन्त्र स्थापनाका लागि कप\mर्युमा समेत सडकमा संसदको अनुभूति गराउन सफल भएबापत पत्रकार धमलालाई अभिनन्दन गरिएको हो ।

१९ फागुनमा आयोजित कार्यक्रममा अन्तरिम विधायिका संसद्का सभामुख सुवासचन्द्र नेम्बाङले धमलालगायत विभिन्न क्षेत्रका दस व्यक्तित्वलाई अभिनन्दन गर्नुभयो । समाजका अध्यक्ष यमबहादुर जिसीको सभापतित्वमा सम्पन्न कार्यक्रममा सभामुखले मुलुकको ध्यान संविधानसभामा केन्दि्रत भएको र त्यसो नभए जनआन्दोलनको म्यान्डेट पूरा नहुने धारणा राख्नुभयो ।

कार्यक्रममा जनआन्दोलनमा विशेष भूमिका निर्वाह गरेका जेबी टुहुरे, नन्दकृष्ण जोशी, बद्री पगेनी, मनोज गजुरेल, भगवान त्रिपाठी, विपना थापालगायतका व्यक्तित्वलाई अभिनन्दन गरिएको थियो ।