काठमाण्डौ, २३ माघ । सत्तारुढ दल नेकपा एमालेले नयाँ संबिधानमा पार्टीका तर्फबाट सहयोग पुराउन तथा सुझावका लागि कार्यदल गठन गरेको छ ।

पार्टी मुख्यलय बल्खुमा आज बसेको पोलिटब्युरोको बैठकले स्थायी समिति सदस्य भरतमोहन अधिकारीको संयोजकत्वमा कार्यदल गठन गरेको पोलिटब्युरो सदस्य प्रकास ज्वालाले जानकारी दिनु भयो । कार्यदलले नयाँ संबिधानको प्रारुप साशकिय स्वरुप र राज्यपुर्नसंरचनाका सम्बन्धमा धारणा निर्माण गरेर आगामि केन्द्रिय कमिटिको बैठकमा पेस गर्ने छ ।

कार्यदलको सदस्यमा प्रकाश ज्वाला रामचन्द्र झा बिष्णु पौडेल उर्मिला अर्याल राजेन्द्र पाण्डे ईश्वर पोखरेल शंकर पोखरेल अशोक राई लगायतका नेताहरु रहनु भएको छ । एमालेको केन्द्रिय कमिटिको बैठक आगामि फागुन पाँच गते काठमाण्डौमा बस्ने तय पनि भएको छ ।

एमालेले शासकिय स्वरुप राज्यको पुर्नसंरचनामा संबिधान सभाका बिषयगत समितिहरुमा माओबादी र काँग्रेस संग अलग अलग गठबन्धन गरेर सहयोग गरेपछि पार्टीको धारणा लाई लिएर बिवाद भएको थियो ।

त्यसै गरेर एमालेले पार्टीका तर्फबाट सरकारमा सहभागि मन्त्रीहरुले समन्वय नगरेको भन्दै आलोचना गरेपछि मिलेर जाने निर्णय गरेको छ । त्यसका लागि मन्त्रीहरुले नेतृत्व संग परार्मश गरेर महत्वपुर्ण निर्णय गर्ने सहमति भएको पोलिटब्युरो सदस्य ज्वालाले जानकारी दिनु भयो ।