काठमाण्डौ, २४ माघ । भाषा विवादका कारण विगत सात महिनादेखि पद निष्क्रीय रहदै आएका उपराष्ट्रपति परमानन्द झाको पद आजबाट सकि्रय भएको छ ।

उपराष्ट्रपति झाले आज पुन अन्तरिम संविधान अनुसारको ढाँचामा सपथ खाएपछि उहाँको पद सकि्रय बनेको हो । उहाँलाई राष्ट्रपति कार्यालयमा आज आयोजित विषेस समारोहमा राष्ट्रपति डा। रामबरण यादवले पद तथा गोपनीयताको सपथ गराउनु भएको थियो । सपथ लगत्तै उहाँले बहादुर भवनमा रहेको उपराष्ट्रपतिको कार्यालयमा गएर पदभार ग्रहण समेत गर्नु भएको छ ।
 
पहिलो पटक हिन्दी भाषामा सपथ लिएको विषयलाई सर्वोच्च अदालतले असंबैधानिक ठहर गरेपछि उहाँको पद निष्क्रीय रहदै आएको थियो । अदालतले उहाँलाई पुन नेपालीमा सपथ खान दिएको आदेश नमानेका कारण पद निष्क्रीय हुन फगेको हो ।

उपराष्ट्रपति झाले आज मातृभाषा मैथली र राष्ट्रिय भाषा नेपाली दुवैमा सपथ खानु भएको छ । यसअघिको सपथमा धोती लगाएर सपथ खानु भएका झाले आज भने दौरा सुरुवाल लगाएर सपथ खानु भएको थियो । सर्वोच्च अदालतले पुन नेपाली भाषामा सपथ खान गत साउन ९ गते अन्तरिम आदेश दिएकोमा आदेशको बेवास्ता गरेपछि उहाले भदौ सात गते पत्रकार सम्मेलन गरि निष्कृय बस्नु भएको थियो ।

उहाँ संविधानसभाको निर्वाचन पछि भएको निर्वाचनमा २०६५ सालको साउन महिनामा फोरमका तर्फबाट उपराष्ट्रपति पदमा निर्वाचित हुनु भएको थियो ।