काठमाडौ,२५ माघ । संविधानको एकीकृत मस्यौदा तयार गर्न संविधानसभा सम्वैधानिक समितिको बैठक जारीछ । संविधानभा बाट आएका प्रतिवेदन र निर्देशन सहितका सुझावका आधारमा समितिले मस्यौदा तयार गर्ने काम गरिरहेको र त्यसैका लागि बैठक बसेको समितिका सदस्य सभासद अग्नी खरेलले बताउनुभयो ।  संविधानसभा नियमावलीमा रहेको व्यबस्था अनुसार संविधानको पहिलो मस्यौदा निर्माण गर्न सबै बैठक गोप्य गर्ने समितिले बताएको छ । समितिलें प्राकृतिक स्रोत आर्थीक अधिकार र राजश्व बाँडफाँट समितिको प्रतिवेदमाथी अध्ययन सुरु गरेको छ । यसैबीच व्यवस्थापिका संसदको बैठक आज बस्दै छ । आजको बैठक दिउँसो ३ बजेकालागि बोलाइएको छ ।  संसद बैठकमा विभिन्न विधेयकहरु पेश हुने र छलफल हुने क्रम जारी छ ।

तीन दलको बैठक बस्दै

नयाँसंविधानसभामा देखिएका विवादका विषयमा छलफल गर्न ३ दलका नेताहरुको बैठक आज बस्दैछ ।  संविधानमा राख्ने विषयलाई सहमतिका आधारमा अगाडि बढाउने उदेश्यले छलफल गर्न लागेको कांग्रेसका प्रमुख समेतक लक्ष्मण घिमिरेले जानकारी दिनुभयो । बैठक दिउँसो १ बजे संविधानसभा भवन अन्तराष्ट्रिय सम्मेलन केन्द्र नयाँबानेश्वरमा हुनेछ । संविधानका लागि प्रस्ताव गरिएका संवैधानिक आयोज राज्यपुनस्रंरचना शासन ब्यवस्था लगायतका बिषयमा दलहरुबीच विवाद छ । संविधान निर्माणका लागि बनाइएका ११ ओटै समितिमा रहेका फरक मतलाई मिलाउने जिम्मा प्रतिवेदन अध्यन समितिलाई दिइएको छ ।