काठमाडौ २१ फागुन । मोरङ र सुनसरीमा भएका छुट्टा-छुट्टै सवारी दुर्घनामा परी २ जनाको मृत्यु भएको छ भने एक जना गम्भिर घाईते भएका छन् । हिजो बेलुका १० बजे इटहरीबाट बिरामी लिएर धरानतर्फ जादै गरेको को १ च ३५६५ नम्बरकॊ एम्बुलेन्सले धरान स्थित लाङ्घाली चोकमा नाम थर नखुलेका पैदल यात्री लाई ठक्कर दिदा उनको घटनास्थलमानै मृत्यु भएको हो । एम्बुलेन्सलाई चालक सहित इलाका प्रहरी कार्यलय धरानमा राखिएको छ । यस्तै मोरङको बरडंगा ८ मा यात्रुबसले मोटरसाईकललाई ठक्कर दिदा मोटरसाईकल चालक सिजुवा ८ का २५ वर्षीय विजय इमाङ राईको घटनास्थलमै मृत्यु भएको हो । दुर्घटनामा मोटरसाईकलमा सवार मोरङ झुर्कीया १ का २३ वर्षीय चन्दन शर्मा गम्भीर घाईते भएका छन् ।