काठमाडौ,२४ फागुन । प्रधानमन्त्री माधवकुमार नेपालले नेपाल महिला संवेदनशील बन्दै गएको बताउनुभयो छ । श्रमिक महिला दिवसको अवसरमा प्रधानमन्त्री नेपालले महिलाका सवालमा नेपालले महत्वपूर्ण उपलब्धी हाँसिल गर्दै आएको बताउनुभयो । शुभकामना सन्देशमा प्रधानमन्त्री नेपालले महिला अधिकारको प्रश्नमा अहिले संसारव्यापी रुपमै संवेदनशीलता वृद्धि भएको उल्लेख गर्दै नेपालमा पनि पहिलेको तुलनामा केही हदसम्म उपलब्धिहरु हासिल भएको बताउनु भएको छ । महिलाहरुको समानताका लागि नेपालको अन्तरिम संविधान- २०६३ को प्रस्तावनामा लैङ्गिक सवाल उल्लेख गरिएको महिलाका अधिकारलाई मौलिक हकका रुपमा स्वीकार्दै ऐन-नियममा भएका लैङ्गिक विभेदयुक्त प्रावधानहरुलाई हटाउने प्रयास गरिएको तथा सन् २०१० लाई लैगिक िहंसा मुक्त वर्ष घोषणा गरेर महिलाका पक्षमा यस्ता प्रयासहरु भइरहेको उहाँले बताउनु भएको छ । नयाँ संविधान बनाउन निर्मित संविधानसभामा महिलाहरुको उल्लेखनीय सहभागिता हुन सक्नु राजनीतिक परिवर्तनको एउटा महत्वपूर्ण सूचक हो भन्दै यसैलाई पर्याप्त भने नमानी अझ धेरै गर्न बाँकी रहेको बताउनुभयो ।

 एकीकृत नेकपा माओवादीले पनि शुभकामना सन्देश िदंदै नयाँ संविधान बन्न लागेको अहिलेको महत्वपूर्ण समयमा सबै परिवर्तनकारी महिलाहरु एकजुट हुनुपर्ने बताएको छ । पार्टीका तर्फबाट प्रवक्ता दिनानाथ शर्माले निकाल्नु भएको विज्ञप्तिमा   शान्तिप्रकि्रया अन्तरिम संविधान र संविधानसभाको प्रकि्रयासम्म आइपुग्दा महिलाहरुले ३३ प्रतिशत प्रतिनिधित्व एवम् सहभागिताको ग्यारेण्टी पैतृक सम्पत्तिमाथि अधिकार र सम्बन्ध विच्छेदको अधिकार संवैधानिक रुपमै प्राप्त गर्नु ऐतिहासिक उपलब्धि भएको भन्दै त्यसका लागि पार्टीको महत्वपूर्ण भूमिका रहेको दाबी गर्नुभएको छ । यस्तै अरु विभिन्न दलका नेताहरुले पनि अन्तर्राष्टिय श्रमिक महिला दिवसको अवसरमा शुभकामना दिएका छन् ।