काठमाडौ२४ फागुन । काचनपुर सदरमुकाम भीमनगर पुगेका स्वास्थ्य मन्त्री उमाकान्त चौधरीलाई कालो झण्डा देखाउँदै प्रदर्शनमा उत्रेका एकिकृत नेकपा माओवादीका कार्यकर्ता र प्रहरी विच झडप भएको छ । भीमनगरस्थीत महाकाली अाचल अस्पतालको निरिक्षण गर्न आउनुभएका स्वास्थ्यमन्त्री चौधरीलाई कालो झण्डा देखाउँदै माओवादी कार्यकर्ताहरुले गरेको प्रदर्शनका क्रममा केही वेर झडप भएको हो । बिहान साढे १० वजेबाट झण्डै आधा घण्टासम्म माओवादी कार्यकर्ताहरुले अाचल अस्पतालको गेट अगाडि सरकार विरोधी नारावाजी गरेर प्रहरी माथि ढुङ्गामुढा गरेपछि प्रहरीले बल प्रयोग गरेको थियो । माओवादी कार्यकर्ताहरुले हानेको ढुङ्गा लागेर जिल्ला प्रहरी कार्यालय काचनपुरका प्रहरी उपरिक्षक पवनकुमार खरेल सामान्य घाईते हुनुभएको छ । प्रहरी उपरिक्षक खरेलको टाउकोमा ढुङ्गा लागेपछि प्रहरीले दुई राउण्ड अश्रुग्याँस प्रहार गरेको थियो ।