काठमाडौ२५ फागुन ।संविधानसभाका २५ वटै दलहरुले संविधान निर्माणको कार्यलाई पहिलो प्राथमिकता दिएर जेठ १४ गते संविधानको घोषणा गर्ने गरि अगाडि बढ्नेमा सहमति जनाएका छन् । संवैधानिक समितिको सोमबार बिहान बसेको बैठकमा दलका उच्च नेताहरुले बाँकी ८० दिनमा सहमति गरेर संविधान निर्माण गर्न आफूहरु प्रतिवद्ध रहेको बताएको संवैधानिक समितिका सभापति निलाम्बर आचार्यले बताउनुभएको छ । यसैबीच एकीकृत नेकपा माओवादीका अध्यक्ष पुष्पकमल दाहाल प्रचण्डले जेठ १४ भित्रै संविधान बनाउन सम्भव रहेको बताउनुभएको छ । संविधानसभाका २५ दलसँग संवैधानिक समितिले गरेको छलफलबाट बाहिरिने क्रममा अध्यक्ष प्रचण्डले जेठ १४ मा संविधान बनाउन भ्याइँदैन भनेर आत्तिनु पर्ने अवस्था नभएको तर अब दलहरुबीच तुरुन्त सहमतिमा पुग्नुपर्ने बताउनुभयो । उहाँले राज्य पुनसंरचनाका विषयमा थप छलफल गर्न सकिने तर संविधान बनाउन नरोकिने बताउनुभयो ।