काठमाडौ २५ फागुन । ताम्सालिङ प्रदेशलाई संंविधान सभाको राज्य पुर्नसंरचन तथा राज्य शक्तिको बाडँफाडँ समितिले विभिन्न राज्यमा विभाजन गरेको दावी सहित तामसालिङ क्षेत्रको रक्षकोलागी भन्दै तामसालिङ नेपाल राष्ट्रिय पार्टीले बन्दसहितको आन्दोलनको घोषणा गरेको छ । रिपार्टस्र क्लब नेपालको सभाकक्षमा मंगलबार पत्रकार सम्मेलनको आयोजना गरि सो पार्टीले आन्दोलनको कार्यक्रम सार्वजनिक गरेको हो । घोषित आन्दोलनका कार्यक्रमहरुमा फागुन २९ गते प्रचार प्रसार र चैत्र १ गते मकवानपुर चितवन र धादिङ बन्द गर्ने रहेको छ । सो पार्टीले ताम्सालिङग राज्यलाई टुक्राएर नारायणी र सुनकोशी र शेर्पा प्रदेश बनाईएको भन्दै त्यसको खारेजीको माग गरेको छ । उसले प्रदेश विभाजन गर्दा नेवा प्रदेश र मधेस प्रदेशलेसमेत ताम्सालिङको एतिहासिक भूमि विखण्डन गर्ने काम गरेको दावी गरेको छ । सो पार्टीले चितवन धादिङ मकवानपुर नुवाकोट रसुवा सिन्धुपाल्चोक दोलखा काभ्रे रामेछाप सोलुखुम्बु ओखलढुङ्गा जिल्ला त्यस्तै महोत्तरी धनुषा सर्लाही रौतहट बारा र पसा्रका उत्तरी भाग ऐतिहासिक ताम्सालिङ क्षेत्र रहेको दावी गरेको छ । राज्य पुर्नसंरचना समितिले तयार पारेको संघीयताको खाँकामा चितवन बारा पसा्र सर्लाही महोत्तरी धनुषा सोलुृखुम्बु र ओखलढुङ्गा अन्य प्रदेशको भू भागको रुपमा परेका छन् ।