काठमाडौ, २५ फागुन । संविधान निमार्णको आन्तरिक कार्यतालिका १० औं पटक परिर्वतन भएको छ । पुर्व निर्धारित कार्यतालिका अनुसार सविधान निमार्ण प्रकृया अघि वढ्न नसकेपछि संविधानसभाको आजको वैठकले आन्तरिक कार्यतालिका परिवर्तन गरेको हो । निर्धारित मितिमा संविधान जारी गर्ने नसकिने भन्दै जेठ १४ गतेको निर्धारित अन्तिम मिति नै पछि सार्ने कतिपयले तर्क गरिरहेका वेला संविधान सभाको वैठकले ०६६ साल जेठ १४ गते नै संघिय गणतन्त्र नेपालको संविधान वनाईसक्नेगरि कार्यतालिका परिवर्तन गरेको छ । आजै वसेको संविधानसभा कार्यव्यवस्था परामस्र समितिले गरेको निर्णय अनुसार तयार भएको कार्यतालिका परिवर्तनको प्रस्तावलाई संविधानसभाको वैठकले सर्वसम्मतीले पारित गरेको हो । गत २१ गते सम्ममा एकीकृत मस्यौद्धा तयारी गरीसक्नु पर्ने भए पनि विभिन्न ९ वटा समितिको विषयगत प्रतिवेदनमा सहमति हुन नसक्दा एकिकृत मस्यौदा लेखन कार्य ढिला हुँदा तालिका संसोधन गर्नु परेको हो । संविधान सभाको अर्को बैठक आगामी चैत्र ३ गते मंगलबार दिउँसो ३ बजे बस्नेगरी स्थगित भएको छ ।