काठमाडौ २५ फागुन । महाधिबेशनको मिति तोक्ने बिषयमा आन्तरिक विवादमा फसेको नेपाली काङ्ग्रेस केन्द्रीय समितिको आजको बैठक पनि निष्कर्षविहीन भएको छ । पार्टी केन्द्रीय कार्यालय सानेपामा आज पनि बसेको केन्द्रीय समिति बैठकले महाधिबेशनको मिति टुङ्गो लगाउन नसकेपछि काङ्ग्रेस महाधिबेशन अनिश्चित भएको छ । बैठकमा सहभागी अधिकांश केन्द्रीय सदस्यहरुले जेठ २७ गतेदेखि महाधिबेशन गर्नुपर्ने बताए पनि कार्यबाहक सभापति सुशील कोइरालालगायतका केही नेताहरुले निर्णय दिन सकेका छैनन् । बैठकपछि काङ्ग्रेस प्रवक्ता अर्जुननरिसंह केसीले विवादित बिषयमा आज छलफल भएपनि कुनै टुङ्गो नलागेको बताउनुभयो । भोली पुनः बस्ने केन्द्रीय समिति बैठकले विवादित बिषयमा टुङ्गो लगाउने उहाँले बिश्वास व्यक्त गर्नुभयो ।