काठमाडौ२५ फागुन । तोकिएकै समयमा सविधान जारी गर्नु पर्ने भन्दै शान्ति र लोकतन्त्रका लागि नागरिक आन्दोलनले शुरु गरेको दवाव अभियान अन्तर्गत आज काठमाण्डौमा खवरदारी सभा गरेको छ । सविधान सभा भवन अगाडी गरिएको खवरदारी सभामा सम्बोधन गर्ने नागरिक अगुवाहरुले सत्ता लुछाचुडीमा भन्दा निर्धारित समयमै संविधान जारी गर्न दलहलाई आग्रह गरेका छन् । सभालाई सम्बोधन गर्दै डा। देवेन्द्रराज पाण्डे श्याम श्रेष्ठलगायतकाले निर्धारित मितिमा मानवअधिकारसम्मत अग्रगामी लोकतान्त्रिक संविधान जारी गर्न सहमतिको राजनीति गर्न राष्ट्रिय सरकार गठन गर्न र अन्तराष्ट्रिय फौजदारी अदालतको विधानलाई अविलम्व अनुमोदन गर्न दलहरुलाई आग्रह गर्नुभएको थियो । कार्यक्रममा जनकलाकारहरु रायन रामेश जेबी टुहुरे मधु गुरुङ लगायतले गीत गाउनुका साथै धीरेन्द्र प्रेमर्षि अर्जुन पराजुलीलगायतले कविता बाचन गर्नुभएको थियो । यस अघि ४८ घण्टे धर्नासम्म दिईसकेको नागरिक आन्दोलनले खवरदारीकै लागि चैत्र १ गतेदेखि १ सय २० घण्टा सम्म लगातार धर्ना दिने कार्यक्रम पनि तय गरेको छ ।