काठमाडौ२६ फागुन । नेपालमा रहेका तिब्बतीयनहरुले आज ५१ औ क्रान्ति दिवस अर्थात स्वतन्त्र तिब्बत आन्दोलन दिवस मनाउने तयारी गरेको सूचनाको आधाारमा प्रहरीले राजधानी काठमाडौ उपत्यकासहित नेपाल चिन सीमाको सुरक्षा ब्यवस्था कडा पारेको छ । उनिहरुले काठमाण्डौ स्थित चीनिया राजदुतावास बालुवाटार र हात्तिसार स्थित काउन्सुलरको कार्यालय अगाडी प्रर्दशन गर्ने योजना बनाएका छन् । ५१ औ क्रान्ति दिवसका अवरमा राजधानीका चार स्थानमा पनि प्रर्दशनको तयारी भएको बुझिएको छ । प्रकासीत कार्यक्रम अनुसार तिब्बतीयनहरुले आज जावलाखेल स्वयम्भु लगायत चार स्थानमा प्रर्दशन गर्ने कार्यक्रम राखेका छन् । तिब्बतीयनहरुको चीन बिरोधी प्रदर्शनलाई लिएर सरकारले राजधानीको सुरक्षाब्यवस्थामा आज अत्यन्तै कडा बनाएको छ । तिब्बतीयनहरुको प्रर्दशन हुने सम्भाब्य स्थानहरुमा जनपथ र सशस्त्र प्रहरीको बाक्लो उपस्थिति बनाईएको गृहमन्त्रालयले जनाएको छ ।त्यसै गरेर बिभिन्न बौद्ध स्कुलहरुबाट स्कुले बिद्यार्थीलाई स्वयम्भु स्थित सामदेली गुम्वामा जम्मागराई शान्तिको प्रार्थना गराउने कार्यक्रम रहेको छ । शरणार्थीहरुले बिहान साढे आठ बजे कामदेबी गुम्बामा पनि प्रार्थना र शान्ति दिप बालेका थिए । सन १९४९ मा तिब्बतलाई चीनले आफ्नो अधिनस्थ बनाएपछि स्वतन्त्र तिब्बतको माग गर्दै धर्मगुरु दलाई लामाले नेतृत्व गरेको आन्दोलनले पछिल्लो समयमा उचाई पाईरहेको छ । आज स्वतन्त्र तिब्बत आन्दोलनको ५१ औ बर्ष पुराभएको छ । यसैविच चिनीया सैनिकहरुले चिन नेपाल सिमा क्षेत्रमा सुरक्षा ब्यवस्था कडा पारेको बताईएको छ ।