ऋषि धमला, नयाँ दिल्ली, २६ फागुन । भारतले नेपालमा अहिले सत्ता परिवर्तन भन्दा तोकिएकै समयमा संविधान निर्माण र शान्ति प्रकि्रयालाई निश्कर्षमा पुर् याउन तर्फ नेपाली दलहरुको ध्यान केन्द्रीत हुनु पर्नेमा जोड दिएको छ । भारतको पाँच दिने भ्रमणको क्रममा रहँनु भएका उपप्रधान एवम् भौतिक योजना तथा निर्माण मन्त्री विजयकुमार गच्छदारले नयाँ दिल्लीमा सन्चारकर्मीहरुसँग कुरा गर्दै त्यस्तो जानकारी दिनु भएको हो । उपप्रधानमन्त्री गच्छदारले आज भारतीय विदेश सचिव निरुपमा राव लोकसभाका स्पीकर मिराकुमार र प्रधानमामन्त्री मनमोहन िसंहका सुरक्षा सल्लाहकार शिवशंकर मेननसँगको भेटवार्तापछि त्यस्तो जानकारी दिनु भएको हो । उहाँले भन्नु भयो- भारतले नेपालमा स्थायित्व चाहेको छ । नकी अस्थिरता र अराजकता । भारतीय अधिकारीहरुले नेपालमा अस्थिरता भए भारतको सुरक्षामा समेत गंभिर असर पर्ने भन्दै छिटो राजनीतिक सहमति कायम गरि संविधान निर्माण र शान्ति प्रकि्रयालाई निश्कर्षमा पुर् याउने दिशामा अगाडि बढ्न आग्रह गरेको उपप्रधानमन्त्री बताउनु भयो । भारतले शान्ति संविधान र विकाश निर्माणमा पूर्ण सहयोग रहने प्रतिबद्धता पनि भेटको क्रममा भारतीय अधिकारीहरुले उपप्रधानमन्त्री गच्छदार समक्ष ब्यक्त गरेका थिए । भेटमा पूर्व पश्चिम रेलमार्ग विस्तार हुलाकी राजमार्ग निर्माणको विषयमा पनि छलफल भएको थियो । भोली उहाँले भारतीय रक्षामन्त्री र विदेशमन्त्री लगायतका बरिष्ठ नेताहरुसँग भेटवार्ता हुने कार्यक्रम रहेको छ ।