तनहुँ फागुन २६ । तनहुँ को काहुँ शिवपुर गाविस बाट सदरमुकाम दमौली तर्फ आईरहेको यात्रुसहितको जीप काहुँ शिवपुर गाविसको सेटाङमा दिउँसो पौने ४ बजे दुर्घटनाग्रस्त हुँदा त्यसमा जीपमा सवार १० जनाको मृत्यु भएको छ । घटनामा परी १३ जना यात्रु घाईते भएका छन् । घाईतेमध्ये २ जनाको अवस्था गम्भिर रहेको छ ।वैवाहिक समारोहमा सहभागि भएर फर्कने क्रममा दुर्घटना भएको स्थानीयबासीले बताएका छन् ।तनहुँका प्रहरी नायव उपरिक्षक ईश्वरीप्रसाद चापागाईले घटनास्थलको मुचुल्का उठाएर मृतकको शव ल्याउँदै गरेको जानकारी दिनुभयो ।यसैबिचघटनामा परी घाईते १३ जनालाई उपचारका लागि दमौली अस्पताल ल्याइ पुर् याइएकोमा गम्भिर अवस्थाका २ जनालाई पोखरा लगिएको प्रहरीले जनाएको छ ।दुर्घटनास्थल उकालो भिर रहेको र सदरमुकामबाट पैदल तिन घण्टा लाग्ने भएका कारण मृतकको शव सदरमुकाम दमैली ल्याउन केही समय लाग्ने प्रहरीले जनाएको छ ।