काठमाडौ२८ फागुन । सरकारका प्रवक्ता एवं सूचना तथा संचारमन्त्री शंकर पोखरेलले माओबादी लडाकुहरुको विवरण प्राप्त हुन नसके जारी शान्ति प्रकि्रया अघि बढ्न नसक्ने बताउनु भएको छ । प्रेस चौतारी कैलालीले आज धनगढीमा गरेको पत्रकार सम्मेलनमा उहाँले लडाकुहरुको समायोजन पुर्नस्थापन तथा भरणपोषणका लागि पनि विवरण अनिवार्य भएको भन्दै विवरण प्राप्त नभए रकम निकासाको बारेमा सोच्नुपर्ने बताउनुभयो । संचारकर्मर्ीहरुको एक जिज्ञासामा मन्त्री पोखरेलले भन्नुभयो ुलडाकुको विवरण प्राप्तका लागि सरकारले अन्य विधीको खोजी गर्नेछ त्यसबारे सेना समायोजन विशेष समितिमा समेत छलफल गरिने छ । मन्त्री पोखरेलले सरकारलाई संविधान निर्माण कार्यका लागि प्रत्यक्ष रुपमा संवैधानिक र कानुनी व्यवस्था छैन भन्दै सहमतिमा नटुङिगएका विषयलाई प्रकि्रयाद्वारा पछि टुङ्ग्याउने गरी जेठ १४ गते भित्रै संविधान घोषणा गर्न सकिने बताउनुभयो । मन्त्री पोखरेलले आफ्नो नेतृत्वमा सरकार गठन भए मात्र संविधान निर्माण र शान्ति प्रकि्रया टुङ्गोमा पुग्छ भन्ने एकिकृत नेकपा माओवादीको सोचाइ गलत भएको उल्लेख गर्दै संवैधानिक र कानुनी बाटोबाट सत्ताको नेतृत्व लिन माओवादीलाई चुनौती समेत दिनुभयो ।