रिपोर्टर्स क्लब नेपालका अध्यक्ष ऋषि धमलाको सभापतित्वमा सम्पन्न कार्यक्रममा माओवादी नेता सीपी गजुरेल -गौरब) ले सात दललाई माओवादीविना संविधानसभाको निर्वाचन गरेर देखाउन चेतावनी दिनुभयो । 'मारियार्टीहरुका कारण माओवादीलाई तत्काल अन्तरिम सरकारमा सामेल गर्न सकिँदैन भने,' गजुरेलको भनाइ थियो, 'अन्तरिम संसदबाटै लोकतान्त्रिक गणतन्त्र घोषणा गर्न सक्नुपर्छ ।' उहाँले अमेरिकी राजदूत जेम्स एफ मोरियार्टीभन्दा पनि जर्ज बुसको नेपाल नीति पूर्वाग्रही र गलत भएको धारणा दोहोर्‍याउनुभयो । आप\mनो दललाई हतियारको शोख नभएको र लुकाउने उद्देश्य पनि नभएको गजुरेलले स्पष्ट पार्नुभयो ।

कार्यक्रममा नेपाली कांग्रेस -प्रजातान्त्रिक) का प्रवक्ता डा. मीनेन्द्र रिजालले सात दलले भयरहित ढंगले संविधानसभाको निर्वाचनमा विवेकको मत दिन चाहेको बताउनुभयो । प्रवक्ता रिजालले संघीय लोकतान्त्रिक गणराज्यका पक्षमा वातावरण बनेको र आन्दोलनमा एक साथ लडेका विभिन्न तह र तप्काका जनताका भावना अहिले मुखरित भएको स्पष्ट पार्नुभयो । साथै उहाँले सानातिना घटनाबाट अत्तालिनुनपर्ने धारणा राख्नुभयो । 'दक्षिण अपि|mकामा डेक्लार्क र नेल्सन मन्डेलाबीच निर्वाचनको सहमतिमा पुग्न पाँच वर्ष लागेको थियो,' उहाँले थप्नुभयो ।

नेपाली कांग्रेस प्रजातान्त्रिककै नेता मनमोहन भट्टराईले माओवादीसित हतियार रहेसम्म शान्ति र अग्रगमनको मार्गप्रशस्त नहुने विचार राख्नुभयो । भट्टराईले मृत्युको भय रहेसम्म संविधानसभा निर्वाचनको वातावरण नबन्ने समेत स्पष्ट पार्नुभयो । साथै, जनताले संघीय र समावेशी लोकतन्त्र चाहेको पनि बताउनुभयो । त्यस्तै, नेपाल सद्भावना पार्टी आनन्दीदेवीका नेता अनिलकुमार झाले मधेसी जनताले अधिकारसम्पन्न हुन खोजेको बताउनुभयो । 'नेपालबाट मधेस टुक्रिँदैन,' झाले भन्नुभयो, 'कसैले टुक्राउने सपना देखेकेा छ भने त्यो आपै+m टुक्रिन्छ ।'