जनकपुर २८ जेठ । अज्ञात समुहले जनकपुरको एयरपोर्टस्थित श्यामचोकमा जिल्ल्ाा विकास समितिको कार्यालयका सहायक शिवनारायण भण्डारीलाई गोली प्रहार गरी हत्या गरेको छ ।
छातीमा गोली लागेर घाइते भण्डारीलाई उपचारका लागि जनकपुर अंचल अस्पताल ल्याउने क्रममा बाटोमै मृत्यु भएको प्रहरीले जनाएको छ । घटनाको जिम्मा तराईमा सशस्त्र संघर्षरत तराई जनतान्त्रिक मुक्ति मोर्चा राजनमुक्ति समुह ले लिएको छ । साचारमाध्यमा फोन गरि मोर्चाले घटनाको जिम्मा लिएको हो ।
यसैबीच भूमिगत सशस्त्र समूह जनतान्त्रिक तराई मुक्ति मोर्चा राजनमुक्ति समूहका दुई जना बरिष्ठ नेतासहित पाँच जना जनकपुरबाट पक्राउ परेका छन् । जिल्ला प्रहरी कार्यालय धनुषाबाट खटिएको गस्ती टोलीले उनीहरुलाई जनकपुर अंचल अस्पताल एरियाबाट पक्राउ गरेको हो ।
पक्राउ पर्नेहरुमा महोत्तरीको बथनाहा ४ निवासी विश्वास मुक्ति र महोत्तरीकै संजिव कुमार झालगायत छन् । अनुसन्धान जारी रहेकोले सबैको नाम खुलाउन नमिल्ने धनुषाका प्रहरी उपरिक्षक सर्वेन्द्र खनालले बताउनुभयो ।