कपिलबस्तु २९ जेठ । अत्यधिक गर्मी बढेपछि कपिलवस्तुका सबै नीजि विद्यालयहरु एक साताका लागि बन्द गरिएको छ । जिल्लाका विभिन्न श्रोत केन्द्रहरुले पनि आफ्ना मातहतका सरकारी तथा सामुदायिक विद्यालयमा समेत बिदा दिएका छन् । गर्मीका कारण विद्यार्थीहरु बिरामी हुने तथा उपस्थिती न्यून भएपछि एक साता बिदा दिइएको हो । गर्मीले गर्दा कक्षा कोठामा पढाउन सक्ने स्थिति नरहेको भन्दै प्याब्सन र एन प्याब्सनले बुधबारदेखि एक साताका लागि जिल्ल्ााका सबै निजी विद्यालय बन्द गरेको एन प्याब्सनका अध्यक्ष तथा प्याराडाईज बोर्डिङ्ग स्कुलका पि्रन्सीपल मनोज कुमार श्रीवास्तबको भनाई छ॥ गर्मीका कारण पछिल्लो एक हप्ता भित्र २ जनाको मृत्यु भएको छ । केही दिन अघि तौलिहवास्थित रत्न राज्य मा।वि।sी कक्षा ३ मा अध्ययनरत छात्रा सोनाली दुबे र नि।मा।वि। कर्महनाका शिक्षक रामप्रकास चौधरीको गर्मीका कारण मृत्यु भएको थियो । कपिलवस्तुमा जिल्लाको तापक्रम ४३ देखि ४४ डिग्रीसम्म रहेको छ ।