मेलिना मानन्धर, नेपाली चलचित्र आकाशमा सुन्दर, बौद्धिक, जुझारु र मिलनसार भई चम्किएकी छिन् । उनको करिश्मायुक्त व्यक्तित्वबाट आकषिर्त हुनेको कुनै कमी छैन । सहकर्मीहरु पनि उनको इष्र्या गर्छन् । हसिली र फरासिली छिन् । 'विवाहको प्रस्तावको ओइरोले पानी पानी भयो मेरा जीवन,' मेलिना भन्छिन् । मोडलिङको संसारमा पनि धमाका मच्चाएर अन्य मोडललाई पानी पानी बनाइदिइन् ।

रिपोर्र्टर्स नेपालका लागि ऋषि धमलाले उनीसंग प्रेम, यौन, विवाह, चलचित्र र राजनीतिबारे प्रश्न सोधे । प्रश्नको प्रहारले उनी आफै पानी पानी भइन् ।

प्रेमबारे मेलिना

उनी भन्छिन् 'प्रेम आत्माहरुको मिलन हो । प्रस्तावहरु धेरै आए तर खेर गए । बाबुआमा, आफन्त, केटासाथी, समाजलाई गर्ने प्रेम भिन्न हुदोरहेछ । प्रेम शब्द सुन्दानै अनुभूतीको संसारमा हराए जस्तो लाग्छ । प्रेम अनुभव हो जसले मान्छेलाई पृथक बनाउसक्छ ।'

सेक्सबारे मेलिना

'सेक्स के हो -' अकस्मातको प्रश्नबाट उनी झसंग मात्र भइनन् आक्रोशित पनि भइन् । नारीको लजालु स्वभाव र रिसालु अनुहार एकसाथ प्रकट भयो । धर्ैय हुदै उनले भनिन्,'ऋषिजी यो प्रश्न सोध्ने हिम्मत कसरी गर्नुभयो -' सामाजिक नियमका सामु पराधिन हुन चाहिनन् उनले र भनिन्,'सेक्स मानवीय आवश्यकता हो । समाजअनुसार यसको व्याख्या हुन्छ र गरिन्छ । तर आवश्यकतालाई व्यक्त गर्न समाजले रोक्छ । त्यसैको आधारमा समाज अनुशासनको दायरमामा रहन्छ ।' तपाईले सेक्स अनुभव लिनुभएको छ भन्दा उनी झोक्किइन्,' यस्तो प्रश्न सोध्न मिल्दैन । तपाईचाहिं भन्नसक्नुहुन्छ -'

सामाजिक मर्यादाको आडम्बरलाई नाघेर उनले उत्तर त दिइनन् तर यौन अनुभव छैन भन्न सकिनन् । यौन अनुभव भएको स्वीकारोत्ती घुमाउरो पाराले गर्दै भनिन्,'मन मिल्छ भने विवाह अघि सेक्स गर्दा फरक पर्दैन । मेरो समाज सेक्सका बारेमा संवेदनशील छ । समाजको अनुशासनभित्र बस्ने नारी हुं म । त्यसैले कोसंग सम्बन्ध भयो भन्ने प्रश्नै नगर्नुहोस् ऋषिजी ।' पश्चिमा मुलुक यौनबारे खुल्ला हुदैगएपनि नेपाली समाजले पचाउन नसक्ने उनको जिकिर छ । उनी भन्छिन्,' विवाह नगरी या एकभन्दा बढीसंग यौनसम्बन्ध राख्ने कुरालाई समाजले मान्यता दिदैन ।'

विवाहबारे मेलिना

विवाह समाजले निर्दिष्ट गरेको संस्कार हो । धमलाको प्रश्नमा उनले विवाहका लागि कुनै पुरुष तय भएनभएको बताउन चाहिनन् । प्रश्नको प्रहारले पानी पानी भइन् मेलिना । 'परिवारबाट धेरै दबाब आएको छ । विवाह हुन्छ तर कोसंग भन्दिन-' मेलिना कुरा लुकाइहाल्छिन् । सपनाको राजकुमार मुटुको कुनै कुनामा सजाएकी छिन् उनले तर ओठबाट शब्द फुस्केलाकी भन्दै कुरा अन्यत्र मोड्छिन् ।

'देखेको पाइदैन लेखेको पाइन्छ रे ।' बाबुआमाले विवाहको दबाब दिदा उनी त्यसै भनी उम्किन्छिन् । उम्कने कहिलेसम्म हो कुन्नि - मेलिना थप्छिन्,'कसै न कसैको अंगालोमा नबाधिई सुखै छैन । म जसलाई चाहन्छु उसलाई मनमुटु सुम्पन्छु ।' जापान देखि अमेरिकामा उनको केटासाथी भएको चर्चा रंगिन संसारमा चलेको छ । यसबारे उनी झोक्किदै भन्छिन्,' मेरो केटासाथी यही हो भनी अनुमान गरेर हुन्छ - मनपराउने हजार भेटिन्छन् जुनी काट्ने एउटै हुन्छ ।' मेलिनाको प्रेमी भन्दै प्रचार गर्नेहरुमाथि दया मात्र राख्नसक्ने तर प्रेम प्रस्ताव स्वीकार नगर्ने उनको भनाई छ । 'विवाहको प्रस्ताव लेखी एसएमएसको ओइरो लाग्छ । घरमा बाबुआमासंग कुरा गर्नेका अलावा मसंग प्रत्यक्ष फोनमा प्रस्ताव राख्ने पनि छन् । म त केटाहरुबाट हैरान हैरान भइसकें ।'

चलचित्रबारे मेलिना

म र महेन्द्र बुढाथोकी मिलेर एक्सन फिल्म बनाउदैछौं । फिल्न नारीवादी हुनेछ । कालजयी चलचित्र खेल्ने धोको छ । नेपाली समाजको विक्रिती र विसंगतिविरुद्ध लक्षित चलचित्रमा भूमिका निभाउदा आफूलाई गर्ववान्वित महशुश गर्छर्ुु

राजनीतिबारे मेलिना

'मंसिर ६ गते संविधानसभा निर्वाचन छ भन्ने थाहा छ । चुनावमा भोट हाल्न जान्छु ।' कसलाई मतदान गर्नुहुन्छ भन्दा उनी भन्छिन्,'गोप्य मतदान गछु ।' उनलाई गिरिजाप्रसाद कोइराला असाध्यै मनपर्छ । कोइरालालाई भेट्ने धोको पालेकी छिन् । उनी भन्छिन्,'उहां कहिले विचलित हुनुभएन । अप्ठ्यारोसंग जुध्ने क्षमता राख्नुहुन्छ । तत्कालका लागि उहांको विकल्प छैन ।' प्रचण्डसंग भेट्ने अभिलाषा पनि छ उनको । उनी भन्छिन्,'कमरेड प्रचण्डलाई भेट्ने समय पनि आउला ।' आठ दल एक भएर निर्वाचन सफल बनाउनेतफ लाग्नुपर्ने जोड छ मेलिनाको । राजनीतिक चेतनामुखी चलचित्र बनाउने र खेल्ने उनको चाहना छ ।

अन्त्यमा उनी भन्छिन्,'मेरोबारे गलत समाचार सम्प्रेषण हुनेगरेको छ । वास्तविकता बुझेर लेखिदिनुहोस् है । गलत कुरा चाहिं नजाओस । मैंले केही बिगारेको त छैन तर किन पत्रकारज्यूहरु खेददै हुनुहुन्छ ।'