दाङ २ असार । दाङको तुलसीपुरस्थित आन्तरीक राजश्व कार्यालयको मुख्य गेटमा अज्ञात समूहले राखेको बाल्टिन बम नेपाली सेनाको टोलीले आज विहान निष्कृय पारेको छ ।

१९ नम्बर बाहिनीमा कार्यरत नेपाली सेनाका सेनानी इन्द्र शर्मा नेतृत्वको टोलीले दुई घण्टाभन्दा बढी समय लगाएर बम निष्कृय पारेको हो । बम निष्कृय पार्दा ठूलो आवाजका साथ दुई पटक पड्किएको थियो ।

मूलगेटमै राखिएको बम कस्ले र कुन प्रयोजनको लागि राखेको भन्ने खुल्न सकेको छैन । खतरा चिन्ह अंकित बममा नेकपा मालेमा लेखिएको थियो ।