बुटवल १० असार । बुटवलका युवा व्यापारी दम्पत्तिको दिउँसै हत्या भएको विरोधमा आज बुटवल बजार बन्द भएको छ । हत्याराहरुलाई तत्काल पक्राउ गरी कारवाही गर्न माग गर्दै दवावस्वरुप बजार बन्द गरिएको हो ।
संगमपथ जेसीज चोकस्थित बिष्णु भण्डारी स्टोस्रका साचालक ३४ वर्षीय रमेश भण्डारी र उहाँकी श्रीमती २८ वर्षर्ीया आशालाई पसलमै रहेका बेला हिँजो अपरान्ह तीन बजे मोटरसाईकलमा आएका अपरिचित युवाले हत्या गरेर फरार भएका थिए ।
बुटवल उद्योग बाणिज्य संघको संयोजनमा आज हत्याको भ्रत्सना गर्दै उद्योग ब्यबसाय दिनभर र दिउँसो १२ बजे देखि २ बजे सम्म २ घण्टा चक्काजाम गरेको छ । बैठकले हत्यामा संलग्नहरुको तत्काल खोजी कारवाही गर्न र उद्योग ब्यवसाय साचालनको बातावरण बनाइदिन प्रशासनसँग आग्रह गरेको छ ।
हत्यापछि बुटवलको सुरक्षा व्यवस्था कडा पारिए पनि प्रहरीले कसैलाई पनि पक्राउ गर्न सकेको छैन ।