दाङ १९ असार । दाङको घोराही-तुलसीपुर सडकखण्ड अन्तर्गत बिजौरीमा आज विहान यात्रु बस दुर्घटना हुँदा २० जना यात्रु घाईते भएका छन् । घाइतेमध्ये चार जनाको अवस्था गम्भीर रहेको छ ।

गम्भीर घाइते हुनेहरुमा हलवार गाविस-१ का अरुण मजगैंया घोराही नगरपालिका- ११ का सुशान्त मजगैंया हापुर-७ का दलबहादुर बुढाथोकी एमाले निकट शिक्षक संगठनका दाङ जिल्ला अध्यक्ष एवं सौंडियार माविका प्रधानाध्यापक विकास गौतम र काठमाडौं बल्खुका बिनोद बुढाथोकी हुनुहन्छ ।

घाइतेहरुको तुलसीपुर घोराही र बिजौरी अस्पतालमा उपचार भइरहेको छ । दाङको घोराहीबाट तुलसीपुर जाँदै गरेको ना ३ ख २६१६ नम्बरको बस सडक पार गर्दै गरेका एक व्यक्तिलाई बचाउन खोज्दा दुर्घटना भएको ईलाका प्रहरी कार्यालय तुलसीपुरका प्रहरी निरीक्षक प्रकाश सापकोटाले जानकारी दिनुभएको छ ।