काठमाडौ १२ साउन । सीटीईभीटीले नयाँ भर्ना नखोलेको प्रति विद्यार्थी नेताहरुसहित सरोकारवाला हरुले रोस प्रकट गरेका छन् । आज प्राविधिक विषयमा नयाँ विद्यार्थी भर्ना गर्न आवश्यक छ की छैन भन्ने विषयमा राज्यपक्षलाई दवाव दिने उद्देश्यका साथ फोरम फर हेल्थ एण्ड टेक्निकल साइन्सले रिपोर्टस्र क्लव नेपालमा गरेको साक्षत्कार कार्यक्रममा उनीहरुले त्यस्तो रोस प्रकट गरेका हुन । एसएलसीको नतिजा प्रकासन भएको लामो समय भईसकेपनि सीटीईभीटीले अहिलेसम्म नयाँ शैक्षिक वर्षको भर्ना खोलेको छैन । जसका कारण प्रविधिक शिक्षाकालागी कुरेर बसेका लाखौ विद्यार्थिहरु अन्यौलमा परेका छन् । कार्यक्रममा नेपाल विद्यार्थी संघका उपाध्यक्ष प्रमोदहरी गुरागाइँले समयमै यस विषयमा छलफलको नगर्दा विद्यार्थीको भविष्यमा खेलवाड गरेको आरोप लगाउनु भएको थिए । उहाँले ६४ सालदेखि अहिलेसम्म सरोकारवालाहरु के हेरेर बसेको भनी प्रश्न गर्नु भएको थियो । अखिल क्रान्तिकारीका उपाध्यक्ष- युवराज चौलागाइँले सबैखाले शिक्षाको विषयमा शिक्षा मन्त्रालयले गम्भिर भएर हेर्नु पर्ने बताउदै सीटीईभीटीले आफैले भर्नालिने चलनलाई बन्द गर्नु पर्ने औल्याउनु भयो । अनेरास्ववीयुकी अध्यक्ष रामकुमारी झाँक्रीले सीटीईभीटीले प्रविधिक शिक्षामा निजीक्षेत्रलाई लगानी गर्न लगाएर पैसा कमाउने थलोको रुपमा परिचय बनाएको आरोप लगाउनु भयो । उहाँले भन्नु भयो- सीटीईभीटीले पैसालाई मुख्य सर्त बनाउँदा अहिलेसम्म भर्ना लिन नसकेको हो । निजी क्षेत्र पारदर्शी हुन नसकेको लाइसेन्स दिने संस्थाले राम्रो अनुगमन गरेर उद्देश्य अनुरुप काम गर्न नसकेका संस्थाको लाइसेन्स खारेज गर्न नसकेकोले समस्या आएको उहाँको दावी थियो । फार्मेसी काउन्सीलरका रजिष्टार बालकृष्ण खकुरेलले प्राविधिक शिक्षाको नाममा दलदलमा फस्दै गएको दावी गर्दै यसले संस्थाको अवस्सा दिनप्रतिदिन नाजुक बन्दै गएको ठोकुवा गर्नु भयो । स्वास्थ्य व्यवस्था परिषदका रजिष्टार रामप्रसाद पौडेलले प्राइभेट क्याम्पसको अवस्था कमजोर हुदै गएको दावी गर्दै जिल्लाका क्याम्पसहरुमा कागजमा पि्र_िन्सपल भेटिएपनि कुसर्िमा नभेटिने गरेको बताउनु भयो । उहाँले ६ वटा फ्याकल्टीहरु मेडिकल सर्जरी इमेजेन्सी आँखा ल्याव फिजियोथेरापी डेन्टल जस्ता सुविधा भएकालाई माात्र मान्यता दिनुपर्ने सुझाव दिनु भयो । विराट हेल्थ अस्पतालका अध्यक्ष राजन अधिकारीले दुर्गम जिल्लाका गरिव विद्यार्थीले पढ्न पाउने किसिमको व्यवस्था गरिनु पर्ने बताउनु भयो ।