काठमाडौ १३ साउन । नागरिक समाजका अगुवाहरुले मुलुकलाई सरकार विहीनताको अवस्थामा लामो समयसम्म राखे असफलता तर्फ अग्रसर हुने भन्दै आगामि १७ गतेको निर्वाचनबाट नयाँ प्रधानमन्त्री चयन गर्न आग्रह गरेका छन् ।
रिपोर्टस्र क्लब नेपालले आयोजना गरेको विशेष साक्षात्कारमा बोल्दै नागरिक अगुवाहरुले दलहरुले नसके नागरिक समाजलाई जिम्मेवारी सुम्पिएर मार्ग प्रसस्त गर्न समेत आग्रह गरेका थिए ।
साक्षात्कारमा बोल्दै नेपाल डेमोक्र्याटिक लयस्र एसोसिएसनका अध्यक्ष उपेन्द्रकेशरी न्यौपानेले प्रधानमन्त्रीको निर्वाचनमा दलहरुको तटस्थ रहने भूमिका लोकतन्त्र विरोधी भएको दावी गर्दै यस्तो अवस्था अझै कायम रहे अन्तरिम संविधान र सभासदहरु हुँदै मुलुक समेत असफल हुने चेतावनी दिनु भयो ।
उहाँले मुलुक असफल हुने अवस्थामा नागरिक समाज चुप लागेर नबस्नेसकि्रय हुने चेतावनी दिदै त्यस्तो अवस्थामा नागरिक समाजले सरकार चलाएर मुलुकलाई निकास दिने बताउनु भयो ।
नेपाल बार एसोसिएसनका पूर्व उपाध्यक्ष शेरबहादुर केसीले १७ गते मुलुकलाई नयाँ प्रधानमन्त्री दिन दलहरुसँग आग्रह गर्दै नयाँ प्रधानमन्त्री दिन नसके पदबाट राजिनामा दिन सभासदहरुलाई सुझाव दिनु भयो ।
उहाँले भन्नु भयो- जुन संसदले सरकार दिन सक्दैन त्यसलाई पदमा बस्ने अधिकार रहँदैन । उहाले बारम्वारको निर्वाचनले नेताहरुको पोलिटिकल डेथ हुने भन्दै संविधानसभा कार्यसन्चालन नियमावली बमोजिम सभामुखले बाधा अडकाउ फुकाएर नयाँ निर्वाचन गराउनु पर्ने सुझाव दिनु भयो । उहाँका अनुसार नियमावलीको नियम १५८ले बाधा अडकाउ फुकाउने अधिकार सभामुखलाई दिएको छ ।
रिपोर्टस्र क्लब नेपालका अध्यक्ष ऋषि धमलाले लामो समयसम्म सरकार विहीनताको अवस्था रहँदा मुलुक असफलता तर्फ जाने आशंका ब्यक्त गर्दै १७ गते नै मुलुकलाई नयाँ सरकार दिन दलहरुसँग आग्रह गर्नु भयो । उहाँले दलहरुको पछिल्लो ब्यवहारले लोकतन्त्रको मुल्य मान्यताको खिल्ली उडाएको दावी गर्दै दलहरुसचेत नभए नागरिक समाज आन्दोलनमा उत्रिने चेतावनी दिनु भयो ।
नेपाल मानवअधिकार संगठनका अध्यक्ष सुदिप पाठकले १७ गते नयाँ सरकार दिन आग्रह गर्दै त्यसपछि बन्ने सरकारलाई नागरिक समाजले नमान्ने घोषणा गर्नु भयो । उहाँले भन्नु भयो-१७ गते मुलुकले नयाँ सरकार नपाए त्यसपछि नागरिक समाजले मुलुक चलाउनु पर्छ ।
नेताहरु असफल भए मुलुक असफल हुने उल्लेख गर्दै पाठकले यसले नेताहरुको क्षमतामा समेत प्रश्न खडा गरेको दावी गर्नु भयो ।
नेपाल शिक्षक संघका अध्यक्ष मोहन ज्ञावलीले बर्तमान राजनीतिक गतिरोधको जड नेकपा एमाले भएको आरोप लगाउँदै संसद भएको प्रमाणित गर्न पनि अगामि निर्वाचनमा मतदान गर्नु पर्ने बताउनु भयो ।
उहाँले सभासद जागिर खान संविधान सभामा नआएको उल्लेख गर्दै भन्नु भयो- उनीहरुलाई सरकार संविधान र शान्ति देउ भनेर पठाएको हो भत्ता खान होईन ।
अब १७ गते नयाँ सरकार दिन नसके सभासदहरुलाई भत्ता खाएर बस्ने अधिकार नभएको उहाँको भनाई थियो । अध्यक्ष ज्ञावलीले एमाले र मधेसवादी दलहरुको तटस्थ बस्ने नीतिले प्रतिगामिहरुलाई समर्थन गरिरहेको दावी समेत सो अवसरमा गर्नु भयो ।
नेपाल मेडिकल एसोसिएसनका अध्यक्ष डा। केदारनरिसंह केसीले तटस्थता बस्ने दलहरुको निर्णय गैरलोकतान्त्रिक र गैर जिम्मेवारपूर्ण निर्णय भएको भन्दै निकास दिन नसके नागरिक समाज सडक आन्दोलनमा उत्रिने चेतावनी दिनु भयो ।
डा। केसीले सरकार संविधान र शान्ति दिन नसक्नेलाई सभासद भएर बस्ने अधिकार नरहेको दावी गर्दै दलहरुले नसके सरकार बनाउने जिम्मेवारी नागरिक समाजलाई दिएर सभासदहरु संविधान बनाउन केन्द्रीत हुनु पर्ने धारणा राख्नु भयो ।