काठमाडौ १३ साउन । एकीकृत नेकपा माओवादीका अध्यक्ष पुष्पकमल दाहाल प्रचण्डले आगामी सोमवार हुने निर्वाचनवाट पनि प्रधानमन्त्री चयन नभए मुलुक गोल चक्करमा फस्ने बताउनु भएको छ । देशलाइ गोलचक्करवाट बचाउन तीब्र बहसको जरुरी रहेको उहाँको भनाइ छ । अखिल नेपाल लेखक संघले आज राजधानीमा आयोजना गरेको कार्यक्रममा अध्यक्ष प्रचण्डले मुलुक युगान्तकारी परिवर्तनको चरणमा रहेकोले अग्रगामी शक्तिहरु एकजुट हुने समय आएको बताउनु भएको हॊ । उहाँले अग्रगामी परिवर्तनको पक्षमा जुटन बौद्धिक समूदायसंग आग्रह गर्नुभयो। माक्सबादी साहित्य र जनयुद्धको सौन्दर्य नामक पुस्तकको विमोचनगर्दै प्रचण्डले दशक लामो माओवादी जनयुद्धको आयाम मध्ये साहित्य पनि महत्वपूर्ण रहेको बताउनुभयो । देश युगान्तकारी परिवर्तनमा रहेको तथा विश्व कम्युनिष्ट आन्दोलनमा संशोधनवादी धार प्रकट भएको समयमा प्रगतिशिल साहित्यलाइ सुधार्दै लैजानु पर्ने आबस्यकता औल्याउनु भयो । कार्यक्रममा माओवादी उपाध्यक्ष मोहन बैद्य किरणले जनताको मुक्ति र देशलाइ नयाँ दिशा दिन प्रगतिशिल साहित्यले उर्जा प्रदान गर्ने बताउनुभयो । उहाँले माओवादी जनयुद्ध लगायत पछिल्लो राजनीतिक परिवर्तनमा प्रगतिशिल साहित्यको महत्वपूर्ण योगदान रहेको चर्चा गर्नुभयो ।