काठमाडौ १३ साउन । विभिन्न दलका शीर्ष नेताहरुले राजनीतिक सहमतिका लागि आ आफ्नै अडानलाई तर्कको रुपमा दोहोर् याएका छन् । एमाले निकट युवा संघ नेपालले काठमाण्डौको राष्ट्रिय सभागृहमा आज गरेको शान्ति र संविधान लेखनका लागि राष्ट्रिय सहमति विषयक कार्यक्रम प्रमुख ३ दल तथा मधेसवादी र अरु सानादलको पुरानै भनाई आएको हो । कार्यक्रममा नेकपा एमाले अध्यक्ष झलनाथ खनालले राजनीतिक सहमति नगरी गरिने १७ गतेको प्रधानमन्त्रीको निर्वाचनको महत्व नभएको भन्दै प्रधानमन्त्री चयन भए पनि बहुमतबाट बन्ने सरकारले मुलुकमा हित नहुने बताउनुभयो । उह।ले माओवादी र कांगे्रसलाई आ आफ्नो उम्मेदवारी फिर्ता गरेर संविधान निर्माणको लागि आउन आग्रह गर्नुभयो । कार्यक्रममा नेपाली कांगे्रसका उपसभापति प्रकाशमान िसंहले शान्तिको कुरा विगतदेखि आफ्नो पार्टीले उठाउँदै आएकाले आगामी सरकारको नेतृत्व कांगे्रसकै हुनुपर्ने बताउनुभयो । कार्यक्रममा एकीकृत नेकपा माओवादी उपाध्यक्ष नारायणकाजी श्रेष्ठले सहमतिको नाममा मधेसी मोर्चाले भन्दै आएको एक मधेस एक प्रदेशको मागमा समर्थन जनाउन नसकिने बताउनुभयो । यस्तै मधेसी जनअधिकार फोरम अध्यक्ष उपेन्द्र यादवले प्रधानमन्त्रीको राजिनामापछि प्रमुख ३ दलबीचको दूरी झन् टाढा भएको बताउनुभयो । नेकपमा मालेका महासचिव सिपी मैनालीले माओवादीले उसकै कारण कसैको समर्थन नपाएको भन्दै आफ्नो व्यवहार सच्याउन आग्रह गर्नुभयो । कार्यक्रममा बदि्र पंगेनीलगायतका कलाकारहरुले प्रमुख दलहरुलाई शान्ति र संविधान बनाउन आग्रह गर्दै सांगितीक प्रस्तुतीहरु प्रस्तुत गरेका थिए ।