काठमाडौ १३ साउन । नेपाली काग्रेसका बरिष्ठ नेता शेरबहादुर देउवाले नेकपा एमालेले आगामि साउन १७ गते अगावै आफ्नो निर्णय बदलेर नेपाली काग्रेसका उमेदवार रामचन्द्र पौडेलको पक्षमा मतदान गर्ने विश्वास ब्यक्त गर्नु भएको छ । आफ्नै निवास बुढानिलकण्ठमा आज सन्चारकर्मीहरुसँग कुरा गर्दै देउवाले विगतमा एमाले नेतृत्वको सरकारलाई अन्तिम समयसम्म पनि नेपाली काग्रेसले समर्थन गरेको स्मरण गराउँदै अब पालो एमालेको आएको बताउनु भयो । उहाँले भन्नु भयो-पालो अब एमालेको हो । एमालेले निर्णय गर्छ र रामचन्द्रजी प्रधानमन्त्री बन्नु हुन्छ । रामचन्द्र पौडेललाई भावी प्रधानमन्त्री बनाउँन आफू सबै खाले प्रयास गर्न तयार रहेको भन्दै देउवाले काग्रेसको नेतृत्वमा सरकार बन्ने ठोकुवा समेत गर्नु भयो । मुलुकलाई सहमतिको आवश्यकता रहेको स्विकार गर्दै देउवाले नेपाली काग्रेसको नेतृत्वमा माओवादीलाई पनि साथ लिएर राष्ट्रिय सहमतिको सरकार बनाउँने बताउनु भयो ।