काठमाडौ १४ साउन । दर्जनभन्दा बढी ज्यान मुद्दा लागेका चाल्स्र शोभराजको मुद्दाको साउन ३० गते रोकिएको फैसलाको आज अन्तिम टुंगो लाग्ने भएको छ । कुनै अवरोध नभए आज मध्यान्हपछि फैसलाको प्रकि्रया अघि बढ्ने सर्वोच्चका प्रवक्ता हेमन्त रावलले जानकारी दिनुभएको छ । यस अघि मुद्धामाथि अझै छलफल हुन बाँकी रहेको भन्दै सर्वोच्च अदालतले अन्तराष्टिय अपराधी चाल्स्र शोभराजमाथिको अन्तिम फैसला साउन १४ गते अर्थात आजसम्मका लागि सारेको थियो ।

नेपालभित्र र नेपालवाहिर गरी २० भन्दा बढी हत्या तथा अन्य आपराधिक घटनाका अभियुक्त चाल्स्र शोभराजको मुद्दाहरु सम्बन्धमा थप अनुसन्धान आवश्यक भन्दै अन्तिम फैसला आजसम्मका लागि सारिएको थियो । उनलाई यसअघि नै काठमाण्डू जिल्ला अदालतले जन्मकैदको फैसला सुनाए पनि उनी फेरि सर्वोच्च गएपछि मुद्धा विचाराधीन छ । विभिन्न देशमा जेल तोडेर भाग्न सफल असाधारण अपराधी शोभराज २०६० साल आसोज ३ गते काठमाडूमा पक्राउ परेका हुन् ।