धादिङ ३० साउन । केहिदिन पहिले देखा परेको विद्यालयमा कक्षा कोठा मै विद्यार्थी वेहोस हुने समस्या धादिङको बुढाथुम गाविसको गलनेमा रहेको महेन्द्रोदय निमाविमा फेरि देखिन थालेको छ । विद्यालयमा कक्षा कोठा मै विद्यार्थी वेहोस हुने समस्या आएपछि ३ तीनका लागि विद्यालय बन्द गरेको महेन्द्रोदय निमाविले जनाएको छ । गत जेठ महिनादेखि विद्यालयमा पटक-पटक विद्यार्थी बेहोस हुने समस्या आएपछि विद्यालय नै बन्द गरिएको थियो । विगतमा बेहोस हुने गरेका ९ जना छात्राहरु विद्यालय बन्दको समयमा पनि घरमै बेहोस भएको बताइएको छ । साउन १९ गतेबाट विद्यालय खोलिए पछि २६ र २७ गते ५ जना छात्राहरु कक्षा कोठामा नै बेहोस भएका थिए । छात्राहरु कक्षा कोठामा नै बेहोस हुने समस्या दोहोरिन थालेपछि अहिले विद्यालय बन्द गरिएको छ ।