काठमाडौ २ भदौ । बागलुङ जिल्लाको पश्चिम क्षेत्र बुर्तिबाङबाट प्रकाशित हुने बुर्तिबाङ साप्ताहिकमा कार्यरत संवाददाता आपत रामजालीले आफू ब्लडक्यान्सरबाट पीडित भएको र आर्थिक अभावका कारण उपचार गर्न समस्या परेकाले जीवन रक्षाको लागि अपिल गर्नुभएको छ । देविस्थान गाविस वार्ड नं। १ निवासी रामजालीको उपचारका लागि भरतपुर क्यान्सर अस्पतालले ९ लाख रुपैया खर्च हुने बताएको छ । ब्लडक्यान्सर पीडित पत्रकार रामजालीका दाजु चन्द्रसिँह रामजालीले एक अपिल प्रकाशित गरि सहयोगका लागि आग्रह गर्नुभएको हो । बुर्तिबाङ साप्ताहिकका व्यवस्थापक एवं बागलुङको पश्चि बुर्तिबाङबाट विगत लामोसमयदेखि पत्रकारिता गर्दै आउनुभएका रामनारायण सुवेदीले पत्रकारिता क्षेत्रमा सकि्रय र उत्सुकताका साथ अगाडि बढेका रामजालीको सहयोगका लागि सबैले सहयोग गर्नका लागि बुर्तिबाङ साप्ताहिकले अभियाननै साचालन गरेको बताउनुभयो । बुर्तिवाङ साप्ताहिकले रामजालीको जीवन रक्षाका लागि हिमालयन बैंक लिमिडेटको खाता नं। ००८०२७११३४००१६ मा आफू सक्दो आर्थिक सहयोग गरिदिनका लागि पत्रकार मानवअधिकारकर्मी उद्योगी व्यवसायी कर्मचारी लगायत सम्पूर्ण महानुभावहरुमा अपिल गरेको छ ।