वुटवल ५ भदौ । बुटवलको सिन्दुर होटलमा प्रहरी जवान काशिनाथ पंडित र प्रेमिका सीता रानाले आत्महत्या गरेका छन् ।  होटलको २ सय १ नम्बरको कोठामा तनहुका अन्दाजी २९ वर्षीया प्रहरी जवान पंडित र अन्दाजी ३० बर्षिय रानाले आत्महत्या गरेको प्रहरीले जनाएको छ । होटेलको कोठामा आज चेकजाँच गर्ने क्रममा कोठा नखुले पछि होटलका कर्मचारीले प्रहरीलाई खबर गरेका थिए ।

पन्डीत झुन्डीएको अवस्थामा र रानाले बिष सेबन गरेको अबस्थामा मृत फेला परेको प्रहरीले उल्लेख गरेको छ । प्रहरीले कोठाबाट उनीहरुले सामुहिक रुपमा लेखेको सुसाईड नोट पनि फेला पारेको छ । नोटमा राजीखुसीले आत्महत्या गरेको भन्दै होटलका कर्मचारी लगायत कसैलाई पनि दुख नदिन आग्रह गरीएको छ । पत्रमा मृत्युको कारण नखोलिए पनि प्रेमका कारण आत्महत्या गरेको आशंका गरिएको छ ।